АУДИТЫН ДЭЭД БАЙГУУЛЛАГУУДЫН ХАМТЫН АЖИЛЛАГААНЫ ТАЛААР ХЭЛЭЛЦЛЭЭ

2019-09-30

ОХУ-ын Москва хотноо зохион байгуулагдаж буй олон улсын аудитын дээд байгууллагуудын их хурал “ИНКОСАЙ-23” үргэлжилж байна. Их хуралд оролцож буй Монгол Улсын Ерөнхий аудитор Д.Занданбат эдгээр өдрүүдэд ОХУ-ын Тооцооны Танхимын дарга Алексей Леонидович Кудрин, БНХАУ-ын Ерөнхий аудитор хатагтай Ху Жэзун, БНСУ-ын Аудит, хяналт шалгалтын зөвлөлийн дарга Чой Жае Хёнтай албан ёсны уулзалт хийлээ. ОХУ-ын Тооцооны танхимын дарга Алексей Кудринтэй хийсэн уулзалтаар ОХУ-ын Ерөнхийлөгч Владимир Путины Монгол Улсад 9 дүгээр сард хийсэн төрийн айлчлалын дүнд Монгол Улс болон ОХУ-ын харилцаа иж бүрэн стратегийн түншлэлийн шатанд хүрснийг талууд онцолж, энэхүү түншлэлийн хүрээнд манай хоёр орны төрийн аудитын дээд байгууллагуудын хамтын ажиллагааг өргөжүүлэх, хоёр байгууллагын хэмжээнд төдийгүй ИНТОСАЙ, АСОСАЙ-н төвшинд харилцан 2 улсаа дэмжиж ажиллах боломжуудыг хэлэлцэв.

Олон улсын аудитын дээд байгууллагын их хурал болж байна

2019-09-27

Олон улсын аудитын дээд байгууллагуудын их хурал /ИНКОСАЙ-23/  ОХУ-ын Москва хотноо 2019 оны есдүгээр сарын 23-аас 28-ны өдрийн хооронд зохион байгуулагдаж 169 орны 600 гаруй төлөөлөгчид оролцож байна Тус хуралд Монгол Улсын Ерөнхий аудитор Д.Занданбат,  холбогдох албан тушаалтнууд оролцож байгаа юм. Хурлын эхэнд ОХУ-ын Тооцооны танхимын дарга Алексей Кудрин Олон улсын аудитын дээд байгууллагыг ирэх 3 жилийн хугацаанд тэргүүлэх болж сонгуульт ажлаа хүлээн авлаа.  Анх 1953 онд үүсгэн байгуулагдсан Олон улсын аудитын дээд байгууллага нь өдгөө эгнээндээ 194 орны АДБ-г нэгтгэдэг ба их хурал нь 3 жил тутамд болдог.

ЗӨВЛӨХ ҮЙЛЧИЛГЭЭНИЙ УРИЛГА

2019-09-16

Үндэсний Аудитын газар нь “Улсын төсвөөс эргэн төлөгдөх нөхцөлтэй концессын “барих-шилжүүлэх” төрлөөр хэрэгжсэн "Чойр дэд станцын өргөтгөл, шинэчлэлт" төслийн барилга, байгууламжийн угсралтын ажлын гүйцэтгэлд дүгнэлт гаргах” зөвлөх үйлчилгээг хэрэгжүүлэх зорилгоор гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй хуулийн этгээдийг мэдүүлгээ ирүүлэхийг урьж байна.

МУЕА Д.Занданбат АТГ-ын удирдлагуудтай уулзалт хийлээ

2019-09-13

Монгол Улсын Ерөнхий аудитор Д.Занданбат өнөөдөр Авилгатай тэмцэх газрын дарга, тэргүүн комиссар З.Дашдаваа,  Тамгын хэлтсийн дарга, эрхэлсэн комиссар З.Баасанням болон Гүйцэтгэх албаны дарга, комиссар н.Лхагвадорж   нартай ажлын уулзалт хийв. Уулзалтад ҮАГ-ын Стратегийн удирдлагын газрын дарга Б.Бундхорол, Санхүүгийн аудитын газрын захирал Ц.Наранчимэг, Хууль эрх зүйн хэлтсийн дарга Н.Анхбаяр нар оролцлоо.

“Нийгмийн даатгалын сангийн хөрөнгийн зарцуулалт, үр дүн” сэдэвт гүйцэтгэлийн аудитын нээлт боллоо

2019-09-11

Үндэсний аудитын газраас Улсын Их Хурлын Төсвийн байнгын хорооны 2019 оны 04 дүгээр тогтоол, Монгол Улсын Ерөнхий аудиторын 2019 оны А/45 дугаар тушаалаар батлагдсан Үндэсний аудитын газрын гүйцэтгэх аудитын сэдвийн төлөвлөгөөг үндэслэн Төрийн аудитын тухай хуулийн 15 дугаар зүйлийн 15.1-д заасан бүрэн эрхийн хүрээнд “Нийгмийн даатгалын сангийн хөрөнгийн зарцуулалт, үр дүн”-д хийх гүйцэтгэлийн аудитын нээлтийг 2019 оны 09 дүгээр сарын 11-ний өдөр хийлээ.

Төрөөс сургуулийн өмнөх боловсрол олгож байгаа өнөөгийн байдал, үр дүн”-д хийх гүйцэтгэлийн аудитын нээлт боллоо

2019-09-11

Үндэсний аудитын газраас Улсын Их Хурлын Төсвийн байнгын хорооны 2019 оны 04 дүгээр тогтоол, Монгол Улсын Ерөнхий аудиторын 2019 оны А/45 дугаар тушаалаар батлагдсан Үндэсний аудитын газрын гүйцэтгэх аудитын сэдвийн төлөвлөгөөг үндэслэн Төрийн аудитын тухай хуулийн 15 дугаар зүйлийн 15.1-д заасан бүрэн эрхийн хүрээнд “Төрөөс сургуулийн өмнөх боловсрол олгож байгаа өнөөгийн байдал, үр дүн”-д хийх гүйцэтгэлийн аудитын нээлт 2019 оны 09 дүгээр сарын 11-ний өдөр боллоо. Аудитын нээлтэд Боловсрол, соёл, шинжлэх ухаан, спортын яам, Сангийн яам, Эрүүл мэндийн яам, Нийгмийн эрүүл мэндийн газар, Нийгмийн эрүүл мэндийн үндэсний төв, МУБИС-ын Сургуулийн өмнөх боловсролын сургууль, Барилгын хөгжлийн төв, Боловсролын хүрээлэн, Боловсролын үнэлгээний төв, улсын болон хувийн цэцэрлэгийн төлөөлөл, Хувийн хэвшлийн сургуулийн өмнөх боловсролын байгууллагуудын холбооны холбогдох албан тушаалтнууд болон Гүйцэтгэлийн аудитын газрын аудитын багийн гишүүд оролцлоо.

Төрийн аудитын байгууллагын ажилчид шагнагдлаа

2019-07-08

Монгол Улсын Ерөнхийлөгч Х.Баттулга Тулгар төрийн 2228, Их Монгол Улс байгуулагдсаны 813, Ардын Хувьсгалын 98 жилийн ойг тохиолдуулан 2019 оны 07 дугаар сарын 06-ны өдөр  127 дугаар зарлигаа буулгаж, төрийн болон төрийн хяналтын байгууллагад олон жил үр бүтээлтэй ажиллаж, эх орныхоо хөгжилд үнэтэй хувь оруулсан  албан хаагчдыг Монгол Улсын одонгоор шагнасан байна.