Төрийн аудитын байгууллагын ажилчид шагнагдлаа


Монгол Улсын Ерөнхийлөгч Х.Баттулга Тулгар төрийн 2228, Их Монгол Улс байгуулагдсаны 813, Ардын Хувьсгалын 98 жилийн ойг тохиолдуулан 2019 оны 07 дугаар сарын 06-ны өдөр  127 дугаар зарлигаа буулгаж, төрийн болон төрийн хяналтын байгууллагад олон жил үр бүтээлтэй ажиллаж, эх орныхоо хөгжилд үнэтэй хувь оруулсан  албан хаагчдыг Монгол Улсын одонгоор шагнасан байна. Үүнд:

Хөдөлмөрийн гавьяаны улаан тугийн одонгоор Санхүүгийн аудитын газрын аудитын менежер Сэрдамбын Оюунгэрэл, Санхүүгийн аудитын газрын аудитор Цэвэгжавын Цэрэнхүү нар Алтан гадас одонгоор Стратегийн удирдлагын газрын захирал бөгөөд тэргүүлэх аудитор Дэлгэрийн Энхболд, Санхүүгийн аудитын газрын аудитын менежер Ядамын Самбууням, Төв аймгийн Төрийн аудитын газрын ахлах аудитор Цэндийн Базарсад, Нийслэл дэх Төрийн аудитын газрын Тамгын хэлтсийн дарга Чойдоржийн Цагаанхүү, Нийслэл дэх Төрийн  аудитын газрын аудитор Галданжамцын Цогтбаатар, Баянхонгор аймаг дахь Төрийн аудитын газрын аудитын менежер Дамдинсүрэнгийн Цэцэгмаа нарыг шагналаа.

Мөн Төрийн аудитын байгууллагын дээд шагнал болох “Хүндэт жуух бичиг”-ээр Гүйцэтгэлийн аудитын газрын ахлах аудитор Жамбалдоржийн Ганчимэг, Гүйцэтгэлийн аудитын газрын аудитор Баатарын Булган нарыг шагналаа. 

Монгол Улсын Засгийн шагнал болох  “Нягтлан бодох бүртгэлийн тэргүүний ажилтан” хүндэт тэмдгээр Санхүүгийн аудитын газрын аудитор Лувсандагвын Мөнхцацрал шагнагдсан бол  Сангийн яамны жуух бичгээр Санхүүгийн аудитын газрын аудитор Болдбаатарын Энхжин, Гүйцэтгэлийн аудитын газрын аудитор Мижиддоржийн Гүнжмаа нар шагнагдлаа.

            Тамгын газрын Хууль, эрхзүйн хэлтсийн дарга Нямдаваагийн Анхбаярыг Хууль зүй дотоод хэргийн яамны “Хүндэт жуух бичиг”-ээр, Тамгын газрын сургалт хариуцсан мэргэжилтэн м.Өлзиймягмарыг "Боловсролын яамны тэргүүний ажилтан" цол тэмдгээр  шагнасан байна.

Шагналыг Монгол Улсын Ерөнхий аудитор Д.Занданбат, Монгол улсын ерөнхий аудиторын орлогч С.Бүрэнбат, Тамгын газрын дарга Ц.Ганболд нар гардуулж баяр хүргэлээ.

Төр, засгийн эрхэм хүндтэй шагналаар шагнагдсан дээрх албан хаагчдадаа чин сэтгэлийн халуун баяр хүргэж, ажлын амжилт, эрүүл энх, аз жаргалыг билэгдэн ерөөе.