ТӨРИЙН АУДИТЫН БАЙГУУЛЛАГА АХМАД НАСТНУУДАА ХҮЛЭЭН АВЧ, ХҮНДЭТГЭЛ ҮЗҮҮЛЛЭЭ


Үндэсний аудитын газрын удирдлагууд үе үеийн ахмад настнуудаа хүлээн авч хүндэтгэл үзүүллээ.  ҮАГ-ын Тамгын газрын дарга Ц.Ганболд арга хэмжээг нээж хэлсэн үгэндээ “Өнөөдрийн бидний  ажил үйлс өөдрөг, амжилттай байгаа нь ахмадууд та нарын маань он удаан жилийн хөдөлмөр, хичээл зүтгэлийн үр дүн юм”   хэмээн онцолсон юм.

Мөн Төрийн аудитын байгууллагын ахмадын зөвлөлийг олон жил удирдан, ахмадуудаа зохион байгуулж ажилласан Г.Бямбажав гуайд хүндэтгэл үзүүлэн талархал илэрхийллээ.

Энэ жилээс эхлэн ахмадын зөвлөлийн даргаар сонгогдон ажиллахаар болсон ахмад ажилтан А.Сүхбаатар өнгөрсөн хугацаанд хийсэн зүйлсээ дурдаад мөн ирээдүйд хийх ажлын төлөвлөгөөгөө танилцуулсан юм.

Арга хэмжээнд СТА Б.Батмэнд, СТА Б.Осгонбаяр нарын дуучид ая дууны мэндчилгээ өргөн барив.

 Төрийн хяналтын байгууллагад нэгэн насны ажил амьдралаа зориулж өндөр насныхаа амралтыг эдэлж байгаа үе үеийн ахмадууд хүрэлцэн ирж оролцсон  бөгөөд нийт ахмадууддаа гарын бэлэг гардуулж, хүндэтгэлийн үйл ажиллагаа өндөрлөлөө.