БНСУ-ын Аудит ба хяналт шалгалтын зөвлөлийн дэргэдэх аудит ба хяналт шалгалт, судалгааны институтын удирдлагууд ҮАГ-т 2 өдөр ажиллав


МУ-ын Үндэсний аудитын газарт 2019 оны аравдугаар сарын 18, 19-ны өдрүүдэд БНСУ-ын Аудит ба хяналт шалгалтын зөвлөлийн дэргэдэх аудит ба хяналт шалгалт, судалгааны институтын Ерөнхийлөгч Пак Хэжун, багийн ахлагч О Юүнсүб ажиллав. Эхний өдөр Монгол улсын ерөнхий аудиторын орлогч С.Бүрэнбат болон бусад холбогдох албан тушаалтнуудтай уулзалт хийсэн юм.

Энэ үеэр Үндэсний аудитын газар нь БНСУ-ын аудит ба хяналт шалгалт, судалгааны институттэй хамтран МУ-ын Төрийн аудитын байгууллагын аудиторуудын чадавхыг сайжруулах сургалтыг зохион байгуулах талаар ярилцсан бөгөөд энэ ажлын хүрээнд санамж бичиг солилцохоор тогтсон юм.

Мөн БНСУ-ын Төрийн аудитын байгууллага зүүн Азийн орнуудын аудитын байгууллагуудын судалгааны сүлжээг байгуулахаар ажиллаж байгаагаа хэлсэн бөгөөд Монгол улсын ТАБ-ыг хамтран ажиллахыг хүслээ.

МУЕА-ын орлогч С.Бүрэнбат БНСУ-ын ТАБ-тай хамтарч ажиллаж байгаадаа баяртай байгаагаа илэрхийлээд цаашид илүү өргөн хүрээнд харилцаатай ажиллана гэдэгт найдаж байна хэмээсэн юм.