ҮНДЭСНИЙ АУДИТЫН ГАЗАР ТӨРИЙН БАЙГУУЛЛАГЫН АЖЛЫН ЗОХИОН БАЙГУУЛАЛТ, АРХИВ, АЛБАН ХЭРЭГ ХӨТЛӨЛТИЙН УЛСЫН ҮЗЛЭГЭЭР “МАШ САЙН” ГЭСЭН ҮНЭЛГЭЭГ АВЛАА


Үндэсний аудитын газар нь Монгол Улсын Засгийн газрын 2019 оны 150 дугаар тогтоолын дагуу улсын хэмжээнд зохион байгуулагдаж буй “Төрийн байгууллагын ажлын зохион байгуулалт, архив, албан хэрэг хөтлөлтийн улсын үзлэг”-т хамрагдаж, амжилттай дүгнэгдлээ.

Хууль зүй, дотоод хэргийн яамны ТНБД Г.Билгүүнээр ахлуулсан  улсын үзлэгийн  комисс 2019 оны 11 дүгээр сарын 12-ноос 11 дүгээр сарын 15-ны өдрүүдэд Үндэсний аудитын газарт ажиллаа.

Үндэсний аудитын газар нь төрийн байгууллагын ажлын зохион байгуулалт, архив, албан хэрэг хөтлөлт, архив албан хэрэг хөтлөлтийн үйл ажиллагаанд мэдээллийн технологи нэвтрүүлж буй байдал гэсэн үндсэн 4 шалгуур үзүүлэлтийн хүрээнд дунджаар 96.75 хувь буюу “маш сайн” үнэлгээтэй дүгнэгдлээ.