НАМ, ЭВСЭЛ, НЭР ДЭВШИГЧ НАРТ

Чиглэл, зөвлөмж хүргүүлэх тухай

Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн 56 дугаар зүйлийн 56.3 дахь хэсэгт “Нам, эсвэл нь санал авах өдрөөс хойш 45 хоногт, нэр дэвшигч нь санал авах өдрөөс хойш 30 хоногт багтаан зардлын тайландаа хувийн аудитын хуулийн этгээдээр дүгнэлт гаргуулан, Төрийн аудитын орон нутаг дахь салбар байгууллагад хүргүүлнэ” гэж заасан байна.

Иймд Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн 57 дугаар зүйлийн 57.1-д “Төрийн аудитын орон нутаг дахь салбар байгууллага зардлын тайланг хүлээн авсан өдрөөс хойш 60 хоногийн дотор хянаж, дүнг нийтэд мэдээлэх бөгөөд нэг сая ба түүнээс дээш төгрөгийн хандив өгсөн иргэн, хоёр сая ба түүнээс дээш төгрөгийн хандив өгсөн хуулийн этгээдийг нийтэд мэдээлнэ” гэж заасны дагуу зардлын тайланг хянаж, нийтэд мэдээлэх тул сонгуулийн зардлын тайланг дараах баримт материалын хамт ирүүлнэ үү. Үүнд:

• Сонгуулийн зардлын дансны хуулга;
• Сонгуулийн зардлын тайланд тусгасан орлого, зарлагыг нотлох анхан шатны баримт;
• Байгуулсан гэрээ, хэлцлийн хуулбар;
• Нэр дэвшигч мөнгөн бус хандив авсан бол хандивын гэрээний хуулбар, хандивын гэрээний үнэлгээг тодорхойлсон нотлох баримт
• Сонгуулийн зардлын тайлан гаргах хавсралт маягт (1-9)-ын дагуу гаргасан тайлан

Зардлын тайлан гаргах, хянуулах, нийтэд мэдээлэхтэй холбоотой сонгуулийн хууль, тогтоомж зөрчсөн тохиолдолд Зөрчлийн тухай хуулийн дагуу хариуцлага /мөнгөн торгуулийн/ хүлээх зохицуулалттай болохыг анхаарна уу.

Хуульд заасан үүргээ хэрэгжүүлэн аудитыг хуулиар тогтоосон хугацаанд гүйцэтгэхэд хамтран ажиллана гэдэгт итгэж байна.

Холбогдох баримтуудыг энд дарж үзнэ үү