ДУНДГОВЬ АЙМАГ ДАХЬ ТӨРИЙН АУДИТЫН ГАЗРЫН 2020 ОНЫ ҮЙЛ АЖИЛЛАГААНЫ ТАЙЛАН
Манай хамт олон байгууллагын 2020 оны үйл ажиллагаагаа төрийн аудитын байгууллагын стратеги, Монгол Улсын Ерөнхий аудиторын 2020 онд дэвшүүлсэн зорилтод чиглүүлэн гүйцэтгэлийн төлөвлөгөөг боловсруулж, үр дүнг тооцон ажиллаж байна.
2020 онд ажилтнуудын хувийн хөгжил болон ажлын ур чадварыг нэмэгдүүлэх тал дээр анхаарал хандуулан, цаашид хос мэргэжил эзэмших тал дээр дэмжлэг үзүүлж ажиллахаар төлөвлөсөн нь энэ жилийн томоохон зорилтын нэг юм. Энэ ажлын хүрээнд ажилтнуудын хэрэгцээ шаардлагад тулгуурлан мэргэжлийн тасралтгүй сургалтын хөтөлбөрийг боловсруулж хэрэгжүүлснээр үр дүнгээ өгч эхлээд байгаа юм.
Аудитын чанарт анхаарч, төрөлжсөн аудитын газруудтай уялдаа холбоотой ажиллах тал дээр анхаарал хандуулан ажиллалаа.
Мөн 2020 онд төрийн аудитын байгууллагын үйл ажиллагааг олон нийтэд түгээх ажлыг тал бүрээр санаачлан хэрэгжүүлж ажилласнаас байгууллагын цахим хуудасны хандалтын тоо нэмэгдэж, олон нийт аудитын үр дүнгийн талаар мэдээлэлтэй болсон байна.