ШИНЖЭЭЧ СОНГОХ УРИЛГА Дугаар № 03-05

Үндэсний аудитын газар нь Улсын төсвийн 2020 оны хөрөнгө оруулалтын төлөвлөгөөний хэрэгжилт, үр дүн, үр ашиг”-т хийх гүйцэтгэлийн аудитын хүрээнд ”Улсын төсвийн хөрөнгө оруулалтаар санхүүжүүлсэн зам, гүүрийн барилга, байгууламжийн зураг төслийг холбогдох хууль, норм ба дүрэм, төсвийн үнэ бүрдэл, төсөв зохиох дүрмийн дагуу магадлалаар баталгаажуулж буй эсэхэд дүгнэлт гаргах” зорилгоор шинжээч сонгон шалгаруулж, зөвлөх үйлчилгээний гэрээ байгуулахаар төлөвлөж байгаа тул зөвлөхийн үйлчилгээ үзүүлэх хүсэлтэй хувь хүн/баг/, хуулийн этгээдийг саналаа ирүүлэхийг урьж байна.

Энэхүү үйл ажиллагаа нь Монгол Улсын Ерөнхий аудиторын 2020 оны А/82 дугаар тушаалын хавсралтаар батлагдсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын хүрээнд хэрэгжих болно.

Шинжээчийн сонгох урилга нь дараах бүрдэл хэсгүүдтэй. Үүнд:

– Ажлын даалгавар

– Саналын жишиг баримт бичиг

– Гэрээний ерөнхий, тусгай нөхцөл

Шинжээч нь ҮАГ-АД/21-013 дугаартай ажлын даалгаварт тусгагдсан ажилбаруудад дүгнэлт гаргаж, зөвлөмж боловсруулж, хүлээлгэн өгч ажиллах бөгөөд мөн даалгаварт тусгагдсан шаардлага хангахуйц тухайн чиглэлээр мэргэшсэн, ажлын дадлага туршлагатай хүний нөөцийг санал болгож, ажлыг гэрээ байгуулснаас хойш хуанлийн 35 хоногт багтаан хийж гүйцэтгэнэ.

Чадварыг нэмэгдүүлж сайжруулах зорилгоор зөвлөхүүд түншлэлийн хэлбэрээр оролцож болох ба Түншлэлийн гэрээ байгуулан баталгаажуулж ирүүлэх шаардлагатай.  /Гэрээнд түншлэлийн төлөөлөх эрх бүхий гишүүн болон түншлэлийн гишүүдийг тодорхойлж, түншлэлийн гишүүд тус бүрийн гүйцэтгэх ажил, үүргийг тусгасан байна/

Сонирхсон этгээд нь холбогдох мэдээллийг доорх хаягаар авч болох бөгөөд саналаа 2021 оны 05 дугаар сарын 04-ний өдрийн 11 цаг 00 минутын дотор ирүүлнэ үү. Хугацаа хоцорсон мэдүүлгийг хүлээн авахгүй болно.

Нэмэлт мэдээллийг авч болох албан тушаалтан:  Аудитын гуравдугаар газрын Аудитын менежер Д.Саруул, Ахлах  аудитор Б.Батдэлгэр. Ажлын утас: 261805, 261675 /гар утас: 99080337, 99055165/

Саналыг цахим /нэгтгэсэн pdf файл/ хэлбэрээр доорх хаягаар ирүүлнэ үү.

Үндэсний аудитын газрын Санхүү, хөрөнгө оруулалтын хэлтсийн Худалдан авах үйл ажиллагаа хариуцсан шинжээч Н.Цэнд-Аюуш. tsend-ayushn@audit.gov.mn. Ажлын утас: 263533, гар утас: 88051068

Захиалагчийн хаяг: Үндэсний аудитын газар. 15160 Улаанбаатар хот. Чингэлтэй дүүрэг, Бага тойруу-3, Засгийн газрын IV байр, 04 дүгээр давхар, Утас 26 35 33, www.audit.mn