“Олон улсын байгууллагаас орон нутагт хэрэгжүүлж буй төслийн хэрэгжилт, үр дүн”-сэдэвт гүйцэтгэлийн аудитыг хийж тайлангийн төслийг шалгагдагч байгууллагад танилцууллаа

Дундговь аймаг дахь Төрийн аудитын газар Төрийн аудитын тухай хуулийн 6.3.1-т заасан бүрэн эрхийн хүрээнд 2021 оны гүйцэтгэлийн төлөвлөгөөний дагуу “Олон улсын байгууллагаас орон нутагт хэрэгжүүлж буй төслийн хэрэгжилт, үр дүн”-сэдэвт гүйцэтгэлийн аудитыг хийж тайлангийн төслийг шалгагдагч байгууллагад танилцуулж, санал тайлбар авах аудитын төгсгөлийн уулзалтыг зохион байгууллаа.

Уулзалтад аймгийн Засаг дарга Ц.Мөнхбат, аймгийн ЗДТГ-ын дарга Л.Доржбат, Төрийн захиргаа, удирдлагын хэлтсийн дарга М.Цогзолмаа, Хөрөнгө оруулалт, хөгжлийн бодлого, төлөвлөлтийн хэлтсийн дарга Н.Эрдэнэ-Очир, Гадаад харилцааны ажилтан Б.Адьяа, Хяналт-шинжилгээ, үнэлгээ, дотоод аудитын хэлтсийн мэргэжилтэн Д.Даариймаа, Санхүүгийн хяналт, аудитын албаны хяналтын улсын байцаагч Б.Батсайхан нар оролцож, аудитын тайлангийн төсөлтэй холбоотой санал солилцов. Аймгийн удирдлагын зүгээс аудитын үр дүнгээр өгөгдсөн дүгнэлт зөвлөмжийг төлөвлөгөө гарган хэрэгжүүлж, гадаад харилцааны чиглэлээр хэрэгжүүлэх үйл ажиллагаандаа хэлтсүүдийн уялдаа холбоог сайжруулан ажиллахаа мэдэгдэж, цаашид аймгийн гадаад харилцааг өргөжүүлэх, хөрөнгө оруулалтыг нэмэгдүүлэх талаар уулзалт хэлэлцүүлгийг тогтмол зохион байгуулан ажиллах санал дэвшүүлсэн үр дүнтэй уулзалт боллоо.