1

“ТӨРИЙН БАЙГУУЛЛАГУУДЫН ДОТООД АУДИТЫН ТОГТОЛЦОО, ЧИГ ҮҮРГИЙН ХЭРЭГЖИЛТ”-Д ХИЙХ ГҮЙЦЭТГЭЛИЙН АУДИТЫН НЭЭЛТИЙГ ХИЙЛЭЭ.

Баянхонгор аймаг дахь Төрийн аудитын газар нь Төрийн аудитын тухай хуулийн 6 дугаар зүйлийн 6.3.1-д заасан Үндэсний аудитын газрын бүрэн эрхийн хүрээнд Улсын их хурлын Төсвийн байнгын хорооны 2020 оны 05 дугаар тогтоол, Монгол улсын Ерөнхий аудиторын 2021 оны А/27 дугаар тушаалаар баталсан “Төрийн аудитын байгууллагын 2021 оны гүйцэтгэлийн төлөвлөгөө”-г үндэслэн “ Төрийн байгууллагуудын дотоод аудитын тогтолцоо, чиг үүргийн хэрэгжилт”-д хийх гүйцэтгэлийн аудитын нээлтийг 2021 оны 09 дүгээр сарын 09-ний өдөр аймгийн Төрийн аудитын газрын  даргын албан өрөөнд хийж, аудитын төлөвлөгөө, хөтөлбөр, холбогдох судалгааг аудитад шалгагдах байгууллагын албан тушаалтнуудад танилцууллаа.

Аудитын нээлтэд Баянхонгор аймгийн Төрийн аудитын газрын дарга,Тэргүүлэх аудитор Б.Мөнхбат, аудитын менежер А.Цээням, ахлах аудитор Б.Азбаяр, аудитор П.Амаржаргал, Баянхонгор аймгийн Санхүүгийн хяналт, аудитын албаны даргын үүргийг түр орлон гүйцэтгэгч Д.Даваажаргал, Санхүү хяналтын улсын ахлах байцаагч Л.Жаргалцэцэг, Д.Төмөрхуяг нар оролцлоо.