1

УВС АЙМАГ ДАХЬ ТӨРИЙН АУДИТЫН ГАЗАР – АУДИТЫН НЭЭЛТ ХИЙЛЭЭ

Төрийн аудитын тухай хуулийн 6 дугаар зүйлд заасан Төрийн аудитын байгууллагын бүрэн эрхийн хүрээнд Улсын Их Хурлын Төсвийн байнгын хорооны 2020 оны 05 дугаар сарын 12-ны өдрийн 05 дугаар тогтоол “Аудитын төлөвлөгөө батлах тухай”,  Монгол Улсын Ерөнхий аудиторын 2021 оны А/15, А/28 дугаар тушаалаар батлагдсан сэдэв, Увс аймаг дахь Төрийн аудитын газрын 2021 оны гүйцэтгэлийн төлөвлөгөөнд тусгагдсаны дагуу “Хүнсний аюулгүй байдлыг хянах өнөөгийн тогтолцоо, төсвөөс зарцуулсан хөрөнгийн үр дүн” сэдэвт гүйцэтгэлийн аудитын нээлтийг цахимаар хийж төлөвлөгөө танилцуулав.

Аудитын нээлтэд Увс аймаг дахь Төрийн аудитын газрын Дарга, тэргүүлэх аудитор М.Батсуурь, аудитын менежер М.Бат-Амгалан, ахлах аудитор С.Батсайхан, аудитор Ч.Мөнхтогтох, аймгийн Засаг даргын тамгын газрын даргын үүргийг түр орлон гүйцэтгэгч Г.Болор-Эрдэнэ, Хүнс, хөдөө аж ахуйн газрын даргын үүргийг түр орлон гүйцэтгэгч С.Цолмон, мэргэжилтэн Ц.Цэцэгмаа, Мэргэжлийн хяналтын газрын дарга Ц.Мөнхбаяр, Мал эмнэлгийн газрын дарга М.Алтанцэцэг, Гаалийн газрын дарга Т.Төртогтох нар оролцлоо.