“Аудитын эрсдэл” сэдэвт сургалт, хэлэлцүүлэг зохион байгууллаа

Монгол Улсын Засгийн газар, НҮБ-аас хамтран хэрэгжүүлж буй НҮБ-ын “Монгол Улсад тогтвортой хөгжлийн санхүүжилтийн нэгдсэн тогтолцоог нэвтрүүлэх нь” хамтарсан хөтөлбөрийн хүрээнд Үндэсний аудитын газрын Хөгжлийн бодлого, төлөвлөлтийн газраас нийт аудиторуудад зориулан “Эрсдэлийн удирдлага” сэдэвт сургалтыг 2021 оны арваннэгдүгээр сарын 10-ны өдөр зохион байгууллаа. Энэхүү сургалтад Үндэсний аудитын газар болон Нийслэл дэх Төрийн аудитын газрын 58 албан хаагч оролцож, санал бодлоо нээлттэй солилцлоо. Сургалт, хэлэлцүүлгийн үеэр аудиторууд нэг нэгнээсээ суралцан, асуудлыг олж харж, шийдлийг тодорхойлж ажиллалаа.

“Аудитын эрсдэл” сэдэвт сургалт, хэлэлцүүлгийн зорилго нь аудиторт шаардлагатай эрсдэлийн талаар гүнзгийрүүлсэн ойлголтыг өгөх, практикт тулгардаг аудитын эрсдэлүүдийг хамтран тодорхойлох, түүнийг бууруулах, урьдчилан сэргийлэх арга замыг тодорхойлон, төлөвлөгөөг боловсруулах хүрээнд нэгдсэн ойлголтод хүрэхэд чиглэсэн юм.