Дорноговь аймаг дахь Төрийн аудитын газраас Төрийн аудитын тухай хуулийн 6 дугаар зүйлийн 6.3.1, 8 дугаар зүйлийн 8.1, Төсвийн тухай хуулийн 8 дугаар зүйлийн 8.9.4-д заасны дагуу аймгийн Төсвийн ерөнхийлөн захирагчийн 2021 оны 12 дугаар сарын 31-ний өдрөөр дуусвар болсон санхүүгийн нэгтгэсэн тайлан, төсвийн гүйцэтгэлд аудит хийж баталгаажуулан, хуулийн хугацаанд холбогдох албан тушаалтанд хүргүүллээ.
Дорноговь аймгийн Төсвийн ерөнхийлөн захирагчийн 2021 оны 12 дугаар сарын 31-ний өдрөөрх санхүүгийн тайлан, төсвийн гүйцэтгэлийг Төсвийн тухай хууль, Нягтлан бодох бүртгэлийн тухай хууль, Улсын секторын нягтлан бодох бүртгэлийн олон улсын стандартад нийцүүлэн бүх материаллаг зүйлсийн хувьд үнэн зөв толилуулсан тул “Зөрчилгүй” санал дүгнэлт өгсөн.
Дорноговь аймгийн Төсвийн ерөнхийлөн захирагчийн 2021 оны санхүүгийн нэгтгэсэн тайланд харьяа 133 төсвийн байгууллага, 7 орон нутгийн өмчит аж ахуйн нэгж, 29 тусгай сан, 14 төсвийн төвлөрүүлэн захирагчийн тайлан, нийт 183 санхүүгийн тайлан нэгтгэгдсэнээс 183 байгууллага аудитад хамрагдсан байна.
Аудитад хамрагдсан харьяа байгууллагуудаас 85 байгууллагыг түүвэрт хамруулж, 98 байгууллагад дүгнэлт хүргүүллээ. Үүнд: “Зөрчилгүй” 84, “Хязгаарлалттай” 12, “Татгалзсан” 2 дүгнэлт /Замын-Үүд сумын Засаг даргын Тамгын газар, Замын-Үүд сумын НААҮ ОНӨХХК/ авсан байна.
Аудитаар нийт 38,997.8 сая төгрөгийн 708 алдаа, зөрчил илрүүлснээс 37,659.2 сая төгрөгийн 293 алдааг залруулж, 114.2 сая төгрөгийн зөрчилд 37 төлбөрийн акт тогтоож, 856.3 сая төгрөгийн зөрчилд 181 албан шаардлага, 368.1 сая төгрөгийн зөрчилд 197 зөвлөмж өгсөн.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
