Төрийн аудитын байгууллагад Азийн хөгжлийн банкнаас хэрэгжүүлж буй “Төрийн аудитын байгууллагын чадавхыг бэхжүүлэх” төслийн хүрээнд түншийн үнэлгээ хийж эхлээд байна. Үндэсний аудитын газарт Австралийн Үндэсний аудитын газар, Индонезийн Аудитын зөвлөлийн холбогдох албаны хүмүүсээс бүрдсэн түншийн үнэлгээний баг ирж ажиллаж байгаа юм. Тус түншийн үнэлгээний багийн гишүүд өнөөдөр (2023.03.06) Монгол Улсын Ерөнхий аудитор Д.Занданбат болон Үндэсний аудитын газрын удирдлагуудтай уулзалт хийлээ.
Уулзалтын эхэнд, Монгол Улсын Ерөнхий аудитор Д.Занданбат Аудитын дээд байгууллагуудын бусад аудитын дээд байгууллагад түншийн үнэлгээ хийдэг жишгийн дагуу Монгол Улсад хүрэлцэн ирсэн багийнханд талархал илэрхийлээд, хамтран ажиллахдаа таатай буйгаа онцлов. Энэ удаагийн түншийн үнэлгээгээр Төрийн аудитын байгууллагын хараат бус байдал, дотоод засаглалын нөхцөл байдал хэрхэн сайжирсан, үүнд цаашид анхаарах асуудлыг зөвлөмждөө тусгах нь бидний ажилд ихээхэн чухал хэмээн хэллээ.
Түншийн үнэлгээний багийн ахлагч Австралийн Үндэсний аудитын газрын Мэргэжлийн үйлчилгээ, харилцааны группийн гүйцэтгэх захирал Кристиан Гэйж найрсгаар хүлээн авч байгаад талархал илэрхийлээд Монгол Улсын Ерөнхий аудитор Д.Занданбатад Австралийн Ерөнхий аудитор болон Индонезийн Аудитын зөвлөлийн дарга нарын мэндчилгээг уламжиллаа. Ингээд Төрийн аудитын байгууллагын хууль эрх зүйн шинэчлэлийн үйл явц, хараат бус байдлын талаар түншийн үнэлгээгээр илүүтэй үзэж үр дүнг нь тооцохыг зорьж байгаа учраас хамтран ажиллахдаа таатай байна гэдгээ илэрхийлсэн юм.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
