Дорнод аймаг дахь Төрийн аудитын газраас УИХ-ын “Сонгууль зохион байгуулахтай холбогдсон улсын төсвөөс санхүүжүүлсэн зардлын гүйцэтгэлд аудит хийж дүгнэлт гаргах” нийцлийн аудитын нээлтийг хийж хамрагдагч байгууллагууд болох Аймгийн сонгуулийн хороо, Улсын бүртгэлийн хэлтсийн удирдлагууд, Цагдаагийн байгууллагын төлөөлөлд аудитын төлөвлөгөөг танилцууллаа.
Аудитын зорилт: Улсын Их Хурлын 2024 оны ээлжит сонгууль зохион байгуулахтай холбогдсон улсын төсвөөс санхүүжүүлсэн зардлын гүйцэтгэлд дүгнэлт гаргаж, зөвлөмж боловсруулан аудитын тайланг Үндэсний аудитын газар, бусад байгууллага, иргэд, олон нийтэд мэдээлэхэд аудитын зорилт чиглэгдэнэ.
Дээрх зорилтыг хангахын тулд дараах дэд зорилтыг дэвшүүлэн аудитыг гүйцэтгэнэ. Үүнд:
- Улсын Их Хурлын сонгуульд улсын төсвөөс санхүүжүүлсэн зардлыг хууль, журмын дагуу төлөвлөж, хуваарилсан эсэх;
- Улсын Их Хурлын сонгууль зохион байгуулахтай холбогдсон улсын төсвөөс санхүүжүүлсэн зардлыг зориулалтын дагуу арвилан хэмнэлттэй зарцуулсан эсэх;
Нийцлийн аудитыг 2024 оны 7 дугаар сарын 01-ний өдрөөс эхлэн 7 дугаар сарын 05-ны өдрийг хүртэл хугацаанд гүйцэтгэж, аудитын тайлан, судалгааг 7 дугаар сарын 09-нд баталгаажуулж ҮАГ болон холбогдох байгууллагад хүргүүлнэ. 
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
