Авлигатай тэмцэх газар НҮБ-ын Мансууруулах бодис, гэмт хэрэгтэй тэмцэх албатай хамтран “Авлигыг илрүүлэх, авлигаас урьдчилан сэргийлэх ажиллагаанд Төрийн болон төрийн бус байгууллагууд, иргэний нийгэм, хэвлэл мэдээллийн байгууллагуудын үүргийг нэмэгдүүлэх нь” сэдэвт бага хурлыг 2024 оны 8 дугаар сарын 6-7-ны өдрүүдэд Авлигатай тэмцэх газрын “Олон нийтийн төв”-д зохион байгуулж байна.
Бага хуралд АНУ-ын Засгийн газар, Олон улсын мансууруулах бодистой тэмцэх хууль сахиулах товчоо, НҮБ-ын Мансууруулах бодис, гэмт хэрэгтэй тэмцэх албаны Зүүн өмнөд Ази, Номхон далайн бүс нутгийн Авлигатай тэмцэх багийн мэргэжилтнүүд болон Монгол Улсын Авлигатай тэмцэх газар, Үндэсний Аудитын газар, Төрийн албаны зөвлөл, Гэмт хэргээс урьдчилан сэргийлэх зөвлөлийн төлөөллүүд болон төрийн бус байгууллага, иргэний нийгмийн байгууллагын төлөөлөл оролцож байна.
Хуралд Үндэсний аудитын газрын Тамгын дарга, тэргүүлэх аудитор Б.Бундхорол харилцагч талуудын хамтын ажиллагааны талаар туршлагаа хуваалцаж түүн дотроо Иргэний нийгэм, хэвлэл мэдээллийн байгууллагуудтай хэрхэн хамтарч ажилладаг тухай мэдээлэл хийлээ. Төрийн аудитын байгууллага аудитын тайлангуудаа “Нээлттэй аудит” (www.open.audit.mn) портал сайтаар дамжуулан иргэд олон нийтэд танилцах боломжийг бий болгосон бөгөөд иргэд олон нийтийн саналыг авах, аудитын тайланг энгийн ойлгомжтой байдлаар танилцуулах, эргэх холбоог сайжруулахаар зорьж ажиллаж байгаагаа онцлон дурдсан юм.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
