Төрийн аудитын тухай хуулийн 6 дугаар зүйлийн 6.3.1-д заасан Төрийн аудитын байгууллагын бүрэн эрхийн хүрээнд Улсын Их Хурлын Төсвийн байнгын хорооны 2023 оны 08 дугаар тогтоол, Монгол Улсын Ерөнхий аудиторын 2023 оны А/152 дугаар тушаалаар баталсан “Төрийн аудитын байгууллагын 2024 оны гүйцэтгэлийн төлөвлөгөө”-ний дагуу “Нийгмийн даатгалын тогтолцоо, түүний үр нөлөө” сэдэвт гүйцэтгэлийн аудитын нээлтийг 2024 оны 08 дугаар сарын 20-ны өдөр Үндэсний аудитын газарт зохион байгууллаа.
Аудитын нээлтийн уулзалтад Үндэсний аудитын газрын Гүйцэтгэл, нийцлийн аудитын газрын аудитын менежер Х.Баярмаа болон аудитын баг оролцож, аудитын төлөвлөгөө, анхаарах шаардлагатай асуудлыг танилцуулав.
Гэр бүл, хөдөлмөр, нийгмийн хамгааллын яамны Төрийн нарийн бичгийн дарга Л.Мөнхзул, Эрүүл мэндийн даатгалын ерөнхий газрын дарга Л.Бямбасүрэн болон бусад албаны хүмүүс аудитын нээлтэд оролцлоо.
Монгол Улсад нийгмийн даатгалын талаар баримталж байгаа бодлого, хууль эрх зүйг хэрэгжүүлэх оновчтой тогтолцоо бүрдсэн эсэх, Нийгмийн даатгалын үйлчилгээ нь даатгуулагчийн ирээдүйд учирч болох эрсдэлийг бууруулж чадаж байгаа эсэх зорилтын хүрээнд аудитыг гүйцэтгэх юм.
Нийгмийн даатгалын үндэсний зөвлөл, Эрүүл мэндийн даатгалын үндэсний зөвлөл, Хөдөлмөр, нийгмийн хамгааллын яам, Нийгмийн даатгалын ерөнхий газар, Эрүүл мэндийн даатгалын ерөнхий газар, тэдгээрийн харьяа байгууллагууд болон бусад холбогдох байгууллагуудын хүний нөөцийн бодлогын баримт бичиг, бүтэц зохион байгуулалт, хүний нөөц, санхүүгийн бусад нөөц, үйл ажиллагааны төлөвлөгөө, тайлан, судалгаа, гаргасан шийдвэрүүд, нийгмийн даатгалын сангийн 2020-2024 оны орлого, зарлага, бусад баримт материалуудыг хамруулан аудитаар үзэхээр төлөвлөсөн байна.
Тус аудитын үр дүн тайлан, дүгнэлтийг 2024 оны 11 дүгээр сард Улсын Их Хуралд хүргүүлнэ.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
