Монгол Улсын Их Хурлын Хууль зүйн байнгын хорооны 2024 оны 08 дугаар сарын 28-ны өдрийн хуралдаанд тус Байнгын хороонд харьяалагдах төсвийн ерөнхийлөн захирагчдын санхүүгийн нэгтгэсэн тайлан, төсвийн гүйцэтгэл болон улсын төсвийн хөрөнгө оруулалтын үр дүнд хийсэн аудитын дүгнэлтийг Монгол Улсын Ерөнхий аудитор Д.Загджав танилцууллаа.
Хууль зүй, дотоод хэргийн сайдын 2023 оны санхүүгийн нэгтгэсэн тайлан, төсвийн гүйцэтгэлд хийсэн аудитаар “Өөрчлөлтгүй” дүгнэлт өгсөн. Санхүүгийн нэгтгэсэн тайланд 229 тайлан нэгтгэснээс 140 байгууллагын санхүүгийн тайланд дүгнэлт гаргаж, 89 байгууллагыг түүвэрт хамруулсан ба 134 байгууллагад “Өөрчлөлтгүй”, 6 байгууллагад ‘’Хязгаарлалттай‘’ дүгнэлт өгсөн байна.
Улсын дээд шүүхийн Ерөнхий шүүгчийн 2023 оны санхүүгийн тайлан, төсвийн гүйцэтгэлд хийсэн аудитаар “Өөрчлөлтгүй” дүгнэлт өгсөн. Санхүүгийн нэгтгэсэн тайланд нэгтгэгдсэн 2 байгууллагыг аудитын түүвэрт хамруулсан. Шүүхийн ерөнхий зөвлөлийн даргын 2023 оны санхүүгийн тайлан, төсвийн гүйцэтгэлд хийсэн аудитаар “Хязгаарлалттай” дүгнэлт өгсөн. Санхүүгийн нэгтгэсэн тайланд 43 тайлан нэгтгэснээс 31 байгууллагын санхүүгийн тайланд дүгнэлт гаргаж, 12 байгууллагыг түүвэрт хамруулж, харьяа 31 байгууллагад “Өөрчлөлтгүй” дүгнэлт өгсөн гэлээ.
Шүүхийн сахилгын хорооны даргын 2023 оны санхүүгийн тайлан, төсвийн гүйцэтгэлд хийсэн аудитаар “Өөрчлөлтгүй” дүгнэлт өгчээ. Улсын Ерөнхий прокурорын 2023 оны санхүүгийн тайлан, төсвийн гүйцэтгэлд хийсэн аудитаар “Өөрчлөлтгүй” дүгнэлт өгсөн. Санхүүгийн нэгтгэсэн тайланд 44 тайлан нэгтгэснээс 26 байгууллагын санхүүгийн тайланд дүгнэлт гаргаж, 18 байгууллагыг түүвэрт хамруулж, харьяа 26 байгууллагад “Өөрчлөлтгүй” дүгнэлт өгсөн байна.
Хүний эрхийн Үндэсний Комиссын даргын 2023 оны санхүүгийн тайлан, төсвийн гүйцэтгэлд хийсэн аудитаар “Хязгаарлалттай” дүгнэлт өгсөн байна.
Авлигатай тэмцэх газар даргын төсвийн 2023 оны санхүүгийн нэгтгэсэн тайланд 2 тайлан нэгтгэснээс аудитаар ерөнхийлөн захирагчийн санхүүгийн нэгтгэсэн тайланд “Өөрчлөлтгүй” дүгнэлт өгсөн байна.
Цагаатгах ажлыг удирдан зохион байгуулах комиссын даргын 2023 оны санхүүгийн тайлан, төсвийн гүйцэтгэлд хийсэн аудитын тайланд “Хязгаарлалттай” санал дүгнэлт өгсөн гэлээ.
Монгол Улсын Ерөнхий аудитор Д.Загджав Хууль зүйн байнгын хороонд харьяалагдах төсвийн ерөнхийлөн захирагчдын санхүүгийн нэгтгэсэн тайлан, төсвийн гүйцэтгэл болон улсын төсвийн хөрөнгө оруулалтын үр дүнд хийсэн аудитын дүгнэлтэд үндэслэн цаашид анхаарах асуудлуудыг мөн танилцуулсан юм.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
