Төрийн аудитын байгууллага “Хүүхэд хамгааллын талаар төрөөс баримталж буй бодлого, түүний хэрэгжилт, үр дүн” сэдэвт гүйцэтгэлийн аудитыг улсын хэмжээнд нэгдсэн удирдамжаар гүйцэтгэж байна. Тус аудитын хүрээнд арга зүйн сургалтыг 2024 оны 8 дугаар сарын 29, 30-ны өдрүүдэд зохион байгууллаа.
“Хүүхэд хамгааллын талаар төрөөс баримталж буй бодлого, түүний хэрэгжилт, үр дүн” аудитыг гүйцэтгэж буй Үндэсний аудитын газрын Гүйцэтгэл, нийцлийн аудитын газар, аймаг, нийслэл дэх төрийн аудитын газрын аудитын нийт 35 албан хаагч хоёр өдрийн сургалтад хамрагдлаа.
Үндэсний аудитын газрын Тамгын дарга, тэргүүлэх аудитор Б.Бундхорол арга зүйн сургалтыг нээж, оролцогчдод амжилт хүслээ.
Монгол дахь НҮБ-ын Хүүхдийн сангаас аудитын үйл ажиллагаанд дэмжлэг үзүүлэн, сургалтыг Үндэсний аудитын газрын Гүйцэтгэл, нийцлийн аудитын газраас хариуцан зохион байгуулж, Гүйцэтгэл, нийцлийн аудитын газрын аудитын менежер Х.Баярмаа бодлогын аудит хийх арга зүйн сургалт, семинарыг удирдан явуулсан юм.
Сургалтаар НҮБ-ын Хүүхдийн сангийн Нийгмийн бодлогын хөтөлбөрийн ахлах Б.Мөнхтуул, НҮБ-ын Хүүхдийн сангийн хүүхэд хамгааллын мэргэжилтэн С.Болорцэцэг нар НҮБ-ын хүүхдийн эрхийн конвенц, НҮБ-ын Хүүхдийн сангийн үйл ажиллагааг танилцуулж, мэдээлэл өгсөн.
Хүүхэд, гэр бүлийн хөгжил хамгааллын ерөнхий газрын даргын албан үүргийг түр орлон гүйцэтгэгч Т.Ихтамир, тус газрын шинжээч Ж.Азжаргал нар Хүүхэд хамгааллын тухай хуулийн шинэчилсэн найруулга болон үйл ажиллагааны талаарх танилцуулгыг хийв. Мөн зөвлөх шинжээч С.Энхтуяа хүүхэд хамгааллын олон улсын туршлага, Монгол Улс дахь хүүхэд хамгааллын өнөөгийн байдлын холбогдох мэдээллийг тус тус өглөө.
“Хүүхэд хамгааллын талаар төрөөс баримталж буй бодлого, түүний хэрэгжилт, үр дүн” гүйцэтгэлийн аудитаар хүүхэд хамгааллын талаар төрөөс баримталж буй бодлого, төлөвлөлтийн тогтолцоо оновчтой эсэх, тус бодлогын хэрэгжилт үр дүнтэй эсэх, хүүхэд хамгааллын үйлчилгээний төлөвлөлт, төсөвлөлт үр өгөөжтэй, хүүхдэд ээлтэй байж чадсан эсэхийг 2019-2023 оныг хамруулан үзэхээр төлөвлөсөн юм.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
