Төрийн аудитын тухай хууль, Улсын Их Хурлын Төсвийн байнгын хорооны 2023 оны “Аудитын сэдэв батлах тухай” 08 дугаар тогтоол, Монгол Улсын Ерөнхий аудиторын “Аудитын жилийн төлөвлөгөө батлах тухай” 2024 оны А/162 дугаар тушаалын дагуу “Төрийн байгууллагын хүний нөөцийн бодлого, тогтолцооны үр нөлөө” гүйцэтгэлийн аудитын нээлтийг 2024 оны 09 дүгээр сарын 05-ний өдөр зохион байгуулав.
Орхон аймаг дахь Төрийн аудитын газрын дарга, тэргүүлэх аудитор Ц.Нармандах аудитын зорилго, хамрах хүрээ, багийн бүрэлдэхүүн болон анхаарах шаардлагатай асуудлуудыг танилцуулав.
Аудитын нээлтэд:
Аймгийн Засаг даргын тамгын газрын дарга, Төрийн албаны зөвлөлийн Орхон аймаг дахь салбар зөвлөлийн дарга Ш.Ганболд, зөвлөлийн нарийн бичгийн дарга А.Өнөржаргал, сумдын Засаг даргын тамгын газрын дарга нар болон төрийн байгууллагын удирдлага, хүний нөөц хариуцсан бусад албан хаагчид оролцлоо.
Тус аудитын зорилт нь Төрийн байгууллагын хүний нөөцийн бодлого, тогтолцооны үр нөлөөнд гүйцэтгэлийн аудит хийж, дүгнэлт гарган зөвлөмж боловсруулж дүнг холбогдох байгууллага, албан тушаалтанд танилцуулж, олон нийтэд мэдээлэхэд оршино.
