Төрийн аудитын тухай хуулийн 6 дугаар зүйлийн 6.3, 6.6-д заасан бүрэн эрхийн хүрээнд Монгол Улсын Ерөнхий аудиторын 2023 оны А/75 дугаар “Санхүүгийн тайлангийн аудит хийх байгууллагын жагсаалт, аудит хийх хэлбэр батлах тухай” тушаалын дагуу Төв аймаг дахь Төрийн аудитын газраас 369 шалгагдагч байгууллагын 2023 оны жилийн эцсийн санхүүгийн тайланд аудит хийж, дүн, дүгнэлт гаргалаа.
Төв аймаг дахь Төрийн аудитын газрын аудиторууд нь 27 сумын төсвийн төвлөрүүлэн захирагч, ЗДТГ, ИТХ, Соёлын төв, ОНХС, ХХС, эмийн эргэлтийн сангууд, байгалийн нөхөн сэргээлтийн барьцаа сангуудын санхүүгийн тайланд аудит хийж, Төрийн аудитын газартай байгуулсан гэрээний үндсэн дээр Голденпэйж аудит ХХК, Өлзийт экаунт аудит ХХК, Релаэнс секюритиз аудит ХХК-ууд 27 сумын ЕБС, Цэцэрлэг, Эрүүл мэндийн төв болон зарим улсын төсвийн байгууллагуудын санхүүгийн тайланд аудит хийж, дүгнэлт гаргалаа.
Төрийн аудитын байгууллагаас 2023-2024 онд гүйцэтгэх санхүүгийн тайлангийн аудитад баримтлах ерөнхий чиглэл, Шилэн дансны тухай хууль, Төрийн хэмнэлтийн тухай хууль, Монгол Улсын Ерөнхий аудиторын 2022 оны А/59 дүгээр тушаалаар батлагдсан “Төрийн аудитын байгууллагаас Төрийн хэмнэлтийн тухай хуулийн хэрэгжилтэд хяналт тавих бодлого, чиглэл”, мөн 2022 оны А/89 дүгээр тушаалаар баталсан “Төрийн хэмнэлтийн тухай хуулийн хэрэгжилтэд хяналт тавих бодлого, чиглэлийг хэрэгжүүлэх заавар”-ыг хэрэгжүүлэн ажиллалаа.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит

Дархан-Уул аймаг дахь Төрийн аудитын газар “Төрөөс бүх нийтийн боловсрол…