Урилга хүргүүлэх тухай

Үндэсний аудитын газар нь “Үндэсний давхар даатгал” ХК болон “Монголын хөрөнгийн бирж” ХК-ийн 2024 оны жилийн эцсийн санхүүгийн тайланд аудит хийх аудитын хуулийн этгээдийг  сонгон шалгаруулж, гэрээ байгуулахаар төлөвлөж байгаа тул сонгон шалгаруулалтад оролцох аудитын хуулийн этгээдийг саналаа ирүүлэхийг урьж байна.

Гүйцэтгэгч нь шалгагдагч этгээдийн бэлтгэсэн 2024 оны санхүүгийн тайланг Нягтлан бодох бүртгэлийн тухай хууль, Аудитын олон улсын стандарт (АОУС), Аудитын дээд байгууллагын олон улсын стандарт (АДБОУС), Санхүүгийн тайлагналын олон улсын стандарт (СТОУС), Нягтлан бодох бүртгэлийн олон улсын стандарт (НББОУС), Монгол Улсын Ерөнхий аудиторын баталсан заавар, журам болон тэдгээрт нийцүүлэн эрх бүхий байгууллагаас гаргасан нягтлан бодох бүртгэл, тайлагналын холбогдох заавар, журамд нийцүүлэн үнэн зөв гаргасан эсэх талаар дүгнэлт гаргаж баталгаажуулах ажлыг гүйцэтгэнэ.

 Аудитыг гүйцэтгэх аудитын хуулийн этгээд дараах шаардлагыг хангасан байна.

• Гүйцэтгэгч нь Үнэт цаасны зах зээлд оролцогчид аудитын үйлчилгээ үзүүлэх тусгай зөвшөөрөлтэй байх;
• Олон улсын нэр хүнд бүхий аудитын компанийн франчайз эрхтэй компани байх;
• Аудиторууд нь мэргэжлийн ёс зүйн зөрчилгүй байх;
• Үйл ажиллагаа явуулах боломжтой ажлын байр, техник хэрэгсэлтэй байх;
• Аудитын багийн гишүүд нь үйлчлүүлэгчийн эрх бүхий аль нэг албан тушаалтантай садан төрөл, бусад байдлаар холбоо хамааралгүй байх;

 Ажиллах хүчний шаардлага:

• Зургаагаас доошгүй үндсэн орон тооны, хугацаагүй эрхтэй мэргэшсэн нягтлан бодогчтой байх;
• Хууль эрх зүйн асуудал хариуцсан албан тушаалтантай байх;
• Аудитын байгууллагад ажилладаг мэргэшсэн нягтлан бодогч өөр байгууллагад давхар ажил эрхэлдэггүй, бусад аудитын хуулийн этгээдэд гэрээгээр ажилладаггүй байх.

Сонгон шалгаруулалтын дэлгэрэнгүй жагсаалтад материалаа ирүүлэх аудитын хуулийн этгээд дээр тавигдсан шаардлагыг хангасан байх ба аль ажлыг гүйцэтгэхээ илэрхийлсэн албан хүсэлт ирүүлэхээс гадна дараах мэдээллийг эхний шатанд ирүүлнэ. Үүнд:

Хуулийн этгээд:

1. Улсын бүртгэлийн гэрчилгээний хуулбар
2. Үнэт цаасны зах зээлд оролцогчид аудитын үйлчилгээ үзүүлэх тусгай зөвшөөрлийн гэрчилгээний хуулбар
3. Татварын тодорхойлолт /хугацаа хэтэрсэн өр төлбөргүй байх, цахим сайтаас гаргасан QR кодтой/
4. Нийгмийн даатгалын тодорхойлолт /хугацаа хэтэрсэн өр төлбөргүй байх, цахим сайтаас гаргасан QR кодтой/
5. ШШГЕГ-ын хугацаа хэтэрсэн өр төлбөргүй талаарх тодорхойлолт
6. Шүүхийн төрөлжсөн архивын тодорхойлолт
7. ММНБИ-ын тодорхойлолт
8. Гүйцэтгэсэн адил төстэй үйлчилгээний мэдээлэл /2021, 2022, 2023 он/
9. Үндсэн ажилтны анкет, боловсрол, мэргэшлийн гэрчилгээний хуулбар
10. Үндсэн ажилтны нийгмийн даатгалын цахим лавлагаа /сүүлийн 1 жилээр/
11. Санхүүгийн тайлан /2022, 2023 он/

Сонирхсон этгээд нь мэдээллээ боловсруулж 2024 оны 09 дүгээр сарын 27-ны өдрийн 15 цаг 30 минутаас өмнө  /byambasurenb@audit.gov.mn  info@audit.gov.mn/ хаягаар ирүүлнэ үү. Саналыг цахим pdf файлаар нэгтгэн /PDF файлыг 25MB-аас ихгүй ирүүлэх ба файл заасан хэмжээнээс илүү гарсан бол файлыг хуваах/ ирүүлнэ.

Ерөнхий шаардлагыг хангаж буй эсэхийг үнэлсний дараагаар “Хураангуй жагсаалт”-д бүртгэгдсэн этгээдэд “Саналын жишиг баримт бичиг”-ийг хүргүүлэх болно.

Хаяг:

Улаанбаатар хот, Чингэлтэй дүүрэг, Бага тойруу-3 Засгийн газрын IV байр 305 тоот

Санхүү хөрөнгө оруулалтын хэлтсийн Худалдан авах үйл ажиллагаа хариуцсан шинжээч Б.Бямбасүрэн +976-51-261745, 99641235

Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.

4 жил ago by Darkhan Darkhan 2 min read No comments

Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…