Монгол Улсын Үндэсний аудитын газар нь Аудитын дээд байгууллагуудын Азийн байгууллага буюу АСОСАИ-н гишүүн орны хувьд чуулганд идэвхтэй оролцсоор ирсэн. 2024 оны 9 дүгээр сарын 21-27-ны өдрүүдэд Бүгд Найрамдах Энэтхэг Улсын Шинэ Дели хотод зохион байгуулагдаж буй АСОСАИ-н 16 дугаар чуулганд Монгол Улсын Үндэсний аудитын газраас Санхүү, нийцлийн аудитын газрын захирал, тэргүүлэх аудитор Ц.Наранчимэгээр ахлуулсан төлөөгчид оролцож байна.
Энэ удаагийн чуулганаар АСОСАИ-н 2025-2027 оны төсвийг батлах, 2027 онд АСОСАИ-н 17 дугаар чуулганыг зохион байгуулах орныг сонгох, АСОСАИ-г дараагийн жилүүдэд тэргүүлэх шинэ даргыг томилж, АСОСАИ-н нарийн бичгийн даргыг сонгож, батлах, 2024-2027 оны хооронд үйл ажиллагаагаа явуулах Удирдах зөвлөл, аудитын хорооны гишүүдийг сонгох зэрэг олон асуудлыг шийдвэрлэх юм.
Чуулганы үеэр Монгол Улсын Үндэсний аудитын газрын төлөөлөгчид АСОСАИ-н гишүүн Бутаны Хаант Улсын Ерөнхий аудитор эрхэм Дашо Таши, Катар Улсын Төрийн Аудитын товчооны ерөнхийлөгч ноён Абдуллазиз Мохамед Ал Эмади, Бүгд найрамдах Турк Улсын Тооцооны шүүхийн ерөнхийлөгч ноён Метин Енер тэргүүтэй албаны төлөөлөгчидтэй уулзалт хийж, хоёр талт хамтын ажиллагаагаа үргэлжлүүлэн хөгжүүлж, туршлага солилцох, аудиторуудыг чадавхжуулах сургалтад харилцан хамруулах талаар санал нэгдсэн юм.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
