Төрийн аудитын байгууллагын 2024 оны “Аудитын шийдвэрийн хэрэгжилтийг хангахад харилцагч талуудын оролцоог сайжруулах” зорилт, “Дархан-Уул аймаг дахь төрийн аудитын газрын 2024 оны зорилтын хэрэгжилтийг хангах төлөвлөгөө”-ний хүрээнд харилцагч талуудын үр ашигтай хамтын ажиллагааг дэмжих, төрийн байгууллагын албан хаагчдын чөлөөт цагийг зөв зохистой өнгөрүүлэх зорилгоор харилцагч байгууллагуудын дунд “AUDIT 2024” волейболын аварга шалгаруулах тэмцээнийг 2024 оны 10 дугаар сарын 18-ны өдөр амжилттай зохион байгууллаа.
“AUDIT 2024” тэмцээнд 18 төрийн байгууллагын 200 гаруй тамирчид оролцож, гуравдугаар байрыг “Нэгдсэн эмнэлэг”, дэд байрыг “Сум дундын шүүхийн тамгын газар”, тэргүүн байрыг “ШШГГ-445 дугаар нээлттэй хорих анги” -ийн баг тамирчид эзэллээ. Мөн тэмцээний хүрээнд “Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль”, “Авлигын эсрэг хууль”, “Авлигатай тэмцэх үндэсний хөтөлбөр”-ийн мэдлэг сорих АХА тэмцээн зохион байгуулж, “Нийгмийн даатгалын хэлтэс”-ийн Нэг цэгийн үйлчилгээ цахим мэдээллийн тасгийн байцаагч О.Анужин амжилттай оролцож “ТЭРГҮҮН” байр эзэллээ.
