Үндэсний аудитын газар нь Нийслэлийн замын сангийн хөрөнгөөр 2024 оны эхний хагас жилд санхүүжүүлсэн авто замын ажлын төлөвлөгөөний хэрэгжилт, үр дүнд хийх аудитын хүрээнд замын сангийн хөрөнгөөр хэрэгжүүлж буй замын байгууламж, авто замын их засварын ажлын зураг төсөв, төсөвт өртөг болон ажлын гүйцэтгэл нь Монгол Улсын хууль тогтоомж, норм дүрэм, стандартын шаардлагад нийцэж байгаа эсэхийг нягтлан шалгаж, шинжээчийн дүгнэлт гаргах хувь хүн, баг, хуулийн этгээдийг санал ирүүлэхийг урьж байна.
| Ажлын нэр | Төсөвт өртөг |
| Баянзүрх дүүрэг, Хан-Уул дүүрэгт ажиллах шинжээч | 7,000,000 төгрөг
Ажлын даалгаврыг эндээс үзнэ үү. /ҮАГ-АД/2024-36/ |
| Сонгинохайрхан дүүрэг, Чингэлтэй дүүрэг, Сүхбаатар дүүрэгт ажиллах шинжээч | 7,000,000 төгрөг
Ажлын даалгаврыг эндээс үзнэ үү. /ҮАГ-АД/2024-37/ |
Шинжээч нь Монгол Улсын холбогдох хуулийн хүрээнд хэрэгжиж байгаа төсөл, арга хэмжээ, барилга, байгууламжийн ТЭЗҮ, зураг төсөл боловсруулах, магадлал хийх, дүгнэлт гаргах эрх бүхий, төслийн эдийн засгийн үр өгөөж, хөрөнгө оруулалтын үр ашиг, үр дүнг тооцох, үнэлэх талаар мэргэшсэн, авто зам, замын байгууламжийн зураг төсөл, магадлалын чиглэлээр дүгнэлт гаргаж байсан, ажлын гүйцэтгэлд мэргэжлийн түвшинд дүгнэлт гаргаж чадахуйц, шаардлагатай багаж, тоног төхөөрөмжөөр хангагдсан, тухайн салбарт ажиллаж байгаа болон ажлын дадлага туршлагатай иргэн, хуулийн этгээд /түншлэл байж болно/ байна.
Иргэн, хуулийн этгээд, баг /түншлэлээр оролцох/ нь дараах шаардлагыг хангасан байна. Үүнд
- Хуулийн этгээд, баг /түншлэлээр оролцох/-ийн хувьд:
- Ахлагч нь авто замын инженер, Монгол Улсын зөвлөх инженер, магистр буюу түүнээс дээш зэрэгтэй, мэргэжлээрээ 10 ба түүнээс дээш жил ажилласан байх;
- Гишүүд нь геодезийн инженер, авто зам, гүүрний инженер, мэргэшсэн төсөвчин, мэргэшсэн инженер, мэргэжлээрээ 8 ба түүнээс дээш жил ажилласан, судалгаа шинжилгээний болон шинжээчийн ажлын туршлагатай байх.
- Иргэний хувьд:
- Геодезийн инженер, авто зам, гүүрний инженер, мэргэшсэн төсөвчин, мэргэшсэн инженер, мэргэжлээрээ 10 ба түүнээс дээш жил ажилласан, судалгаа шинжилгээний болон шинжээчийн ажлын туршлагатай байх.
Бүрдүүлэх материал:
Хуулийн этгээд:
- Улсын бүртгэлийн гэрчилгээний хуулбар;
- Тусгай зөвшөөрлийн гэрчилгээний хуулбар;
- Татварын тодорхойлолт /өр төлбөргүй байх, цахим сайтаас гаргасан QR кодтой/;
- Нийгмийн даатгалын тодорхойлолт /өр төлбөргүй байх, цахим сайтаас гаргасан QR кодтой/;
- ШШГЕГ-ын хугацаа хэтэрсэн өр төлбөргүй талаарх тодорхойлолт;
- Шүүхийн төрөлжсөн архивын тодорхойлолт;
- Гүйцэтгэсэн адил төстэй үйлчилгээний мэдээлэл /2021, 2022, 2023 он/;
- Үндсэн ажилтны анкет, боловсрол, мэргэшлийн гэрчилгээний хуулбар;
- Үндсэн ажилтны нийгмийн даатгалын лавлагаа /сүүлийн 1 жилээр E-Mongolia цахим сайтаас авсан байх/;
- Санхүүгийн тайлан /2022, 2023 он/
Баг, хувь хүн:
- Шинжээчийн анкет /CV/;
- Иргэний үнэмлэхийн хуулбар;
- Боловсролын зэргийн диплом;
- Мэргэшлийн гэрчилгээ, үнэмлэх, сертификатын хуулбар;
- Гүйцэтгэсэн ижил төстэй зөвлөх үйлчилгээний мэдээлэл /сүүлийн 3 жилээр/;
- Багийн гишүүн тус бүр нь шүүхийн шийдвэрээр бусдад өр төлбөргүй тухай тодорхойлолтыг /e-mongolia/ хавсарган ирүүлэх.
- Багаар ажиллах тохиолдолд багийн гишүүдийн хамтран ажиллах гэрээг нотариатаар баталгаажуулсан байх
Сонирхож буй этгээд нь дээрхээс гадна Саналын баримт бичгийн дагуу материалаа бэлтгэн 2024 оны 11 дүгээр сарын 29-ний өдрийн 15 цаг 30 минутаас өмнө /byambasurenb@audit.gov.mn info@audit.gov.mn/ хаягаар ирүүлнэ үү. Хүсэлт, баримт бичгийг PDF файлаар нэгтгэн цахимаар /PDF файлыг 15MB-аас ихгүй байх, хэрэв заасан хэмжээнээс илүү гарсан бол файлыг хувааж/ ирүүлнэ.
| Ажлын нэр | Саналын баримт бичиг |
| Баянзүрх дүүрэг, Хан-Уул дүүрэгт ажиллах шинжээч | Эндээс үзнэ үү. |
| Сонгинохайрхан дүүрэг, Чингэлтэй дүүрэг, Сүхбаатар дүүрэгт ажиллах шинжээч | Эндээс үзнэ үү. |
Хаяг: Улаанбаатар хот, Чингэлтэй дүүрэг, Бага тойруу-3 Засгийн газрын IV байр 305 тоот
Санхүү хөрөнгө оруулалтын хэлтсийн Худалдан авах үйл ажиллагаа хариуцсан шинжээч Б.Бямбасүрэн +976-51-261745, 99641235
