САНХҮҮГИЙН ТАЙЛАНГИЙН АУДИТЫН НЭЭЛТ

Хөвсгөл аймаг дахь Төрийн аудитын газраас Хөвсгөл аймагт үйл ажиллагаа явуулж буй улс, орон нутгийн төсвийн байгууллага, төрийн болон орон нутгийн өмчийн хуулийн этгээдийн 2024 оны жилийн эцсийн санхүүгийн тайлан, төсвийн гүйцэтгэлд хийх аудитын нээлтийг  2025 оны 01 дүгээр 15-нд цахимаар зохион байгууллаа.

Санхүүгийн тайлангийн аудитын нээлтээр дарга, Тэргүүлэх аудитор А.Эрдэнэбаатар, аудитын менежер Б.Тэгшдэлгэр, ахлах аудитор Б.Давааням, Г.Ичинхорлоо нар оролцож дараах мэдээллийг танилцууллаа.

  1. Төрийн аудитын байгууллагаас 2024-2025 онд гүйцэтгэх санхүүгийн тайлангийн аудитад баримтлах ерөнхий чиглэл;
  2. Санхүүгийн тайлангийн аудитын танилцуулга, талуудын үүрэг, хариуцлага;
  3. Өмнөх санхүүгийн тайлангийн аудитын үр дүн болон цаашид анхаарах асуудлуудын талаар тус тус танилцууллаа.

Аудитын нээлтэд төсвийн шууд захирагч, нягтлан бодогчид нийт 250 орчим  албан хаагчид аудитын нээлтэд цахим хэлбэрээр оролцож санхүүгийн тайлангийн аудиттай холбоотой асуулт асууж харилцан санал солилцлоо.