Хөвсгөл аймаг дахь Төрийн аудитын газар нь “Улс, орон нутгийн төсвийн 2024 оны хөрөнгө оруулалтын төлөвлөгөөний хэрэгжилт” гүйцэтгэл, нийцлийн аудитын нээлтийг аймгийн ИТХ-ын “Иргэний танхим”-д 2025 оны 01 дүгээр сарын 31-ний өдөр зохион байгууллаа.
Хөвсгөл аймаг дахь Төрийн аудитын газрын дарга, Тэргүүлэх аудитор аудитын нээлтийн ерөнхий мэдээллийг өгөхийн сацуу дараах зүйлсийг аудитад хамрагдагч талд санамж болгон хэллээ.
- “Улс, орон нутгийн төсвийн 2024 оны хөрөнгө оруулалтын төлөвлөгөөний хэрэгжилт” гүйцэтгэл, нийцлийн аудитаар өмнөх аудитаар илэрсэн алдаа, зөрчлийг дахин давтан гаргасан тохиолдолд хуульд заасан авах арга хэмжээ авч ажиллах,
- Өмнөх аудитаар өгсөн зөвлөмж, албан шаардлага, төлбөрийн актыг биелэлтийг газар дээр нь үзэж танилцаж хэрэв зөрүүтэй биелэлт ирүүлсэн бол арга хэмжээ авч ажиллах талаар танилцуулсан.
Аудитын нээлтэд аймгийн ИТХ-ын төлөөлөл, аймгийн Засаг даргын тамгын газрын Төрийн захиргаа удирдлагын хэлтэс, Санхүү төрийн сангийн хэлтэс, Хөрөнгө оруулалт, хөгжлийн бодлого төлөвлөлтийн хэлтэс, Худалдан авах ажиллагааны газар болон шалгагдагч талын төлөөллүүд зэрэг нийт 20 орчим албан хаагч оролцлоо.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
