Дорнод аймгийн Төсвийн төвлөрүүлэн захирагчдын санхүүгийн нэгтгэсэн тайланд хийсэн аудитын дүн, мэдээллийг аймгийн Засаг даргын агентлагуудын шуурхай хуралдаанд танилцууллаа.
Аудитаар нийт 14 төсвийн төвлөрүүлэн захирагчдын санхүүгийн нэгтгэсэн тайланд дүгнэлт өгч ажилласнаас хязгаарлалттай 1, өөрчлөлтгүй 13 дүгнэлт олгосон байна.
Аудитаар илэрсэн нийтлэг зөрчлөөс дурдвал:
- Сумын ОНХС-гийн хөрөнгийг тухайн орон нутгийн иргэдийн саналаар дэмжигдэж эрэмблэгдээгүй, иргэдийн эрх ашигт нийцээгүй төсөл арга хэмжээнд зарцуулсан.
- Төсвийн орлогыг нэр төрлөөр биелүүлэн ажиллаагүй.
- Батлагдсан хөтөлбөр, төсөл арга хэмжээг бүрэн хэрэгжүүлэн ажиллаагүй.
- Улс төрийн намуудад орон нутгийн төсвөөс санхүүжилт олгосон.
- Сумын чиг үүрэгт хамаарахгүй арга хэмжээг төлөвлөн зарцуулсан.
- Батлагдсан төсөл арга хэмжээг худалдан авах ажиллагааны төлөвлөгөөнд тусгахгүй зарцуулах.
- Шилэн дансны тухай хуулийн хэрэгжилт хангалтгүй.
Аудитаар 3,372.1 сая төгрөгийн зөрчил илрүүлж 16.7 сая төгрөгийн төсөвт буцаан төвлөрүүлэх 1 төлбөрийн акт, 860.9 сая төгрөгийн зөрчил арилгах 7 албан шаардлага, 2,494.5 сая төгрөгийн 38 зөвлөмж өгч ажиллалаа.
Аудитаар илэрсэн зөрчлийн хүрээнд цаашид анхаарах асуудал:
- Төсвийн санхүүгийн сахилга батыг мөрдөж, ил тод байдлыг хангах, үр ашгийг нэмэгдүүлэх, үрэлгэн байдлыг хязгаарлах бодлогыг баримтлан ажиллах.
- Төсвийн төлөвлөлтийг хууль, журмын дагуу төлөвлөн батлуулан хэрэгжүүлэх.
- Татварын орлогыг нэр төрлөөр ханган биелүүлэх.
- Төсвийн захирагчийн хөтөлбөрийн хэрэгжилтэд хяналтыг хэрэгжүүлэн хүрэх үр дүнг ханган ажиллах.
- Шилэн дансны тухай хуулийн хэрэгжилтийг ханган ажиллах.
- Аудитаар тогтоосон төлбөрийн акт, албан шаардлага, зөвлөмжийн биелэлтийг заасан хугацаанд, хэрэгжүүлсэн ажлын үр дүнгийн хамт ирүүлж байх.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
