Төрийн аудитын байгууллагын Аймаг, нийслэл дэх төрийн аудитын газрын харилцан туршлага солилцох өдөрлөг-2025 арга хэмжээ Хэнтий болон Баянхонгор аймагт үргэлжиллээ.
Арга хэмжээнд Монгол Улсын Ерөнхий аудиторын орлогч Я.Самбууням, Үндэсний аудитын газрын Тамгын газрын дарга, Тэргүүлэх аудитор Б.Бундхорол, Гүйцэтгэл, нийцлийн аудитын газрын захирал, Тэргүүлэх аудитор Д.Энхболд нар оролцсон юм. Аудитын байгууллагуудын үйл ажиллагааны үр дүнг хэлэлцэх, харилцан суралцах, хамтын ажиллагааг бэхжүүлэх зорилготой арга хэмжээнд харилцагч талуудын зүгээс аймгийн ИТХ-ын Ажлын алба, Засаг даргын Тамгын газар болон түүний харьяа агентлагийн удирдлага, төлөөллүүд оролцож төрийн аудитын үйл ажиллагааныхаа танилцуулгыг хийв.
Мөн Төрийн аудитын байгууллагын системийн хэмжээнд 2024 онд үйл ажиллагааны хэрэгжилт, үр дүнгээрээ Баянхонгор аймаг дахь Төрийн аудитын газар “Дэд” байр, Хэнтий аймаг дахь Төрийн аудитын газар “Гутгаар” байр эзэлснийг тус тус зарлаж, Монгол Улсын Ерөнхий аудитор Дэлэгийн Загджавын мэндчилгээг дэвшүүлж, дипломыг гардуулан өгөв. Энэхүү өдөрлөг нь Төрийн аудитын байгууллагуудын сайн туршлагыг түгээх, аудитын үйл ажиллагааны үр нөлөөг сайжруулахад чухал хувь нэмэр оруулсан арга хэмжээ боллоо.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
