Үндэсний аудитын газар нь “Ундны ус, ариун цэврийн байгууламжтай холбоотой хэрэгжүүлж буй төсөл, хөтөлбөрүүд, тэдгээрийн үр нөлөө – Тогтвортой хөгжлийн зорилт 2030-ын 6.1”-д хийх аудитын хүрээнд Монгол Улсын хүн амын ундны усны нөөц, усны чанар, халдваргүйжүүлэлт, ус ашиглалтын болог ариун цэврийн байгууламжийн өнөөгийн нөхцөл, цаашид аюулгүй, баталгаат ундны усаар хангагдсан хүн амын эзлэх хувийн төлөв байдлын судалгаа хийж, хэрэгжүүлж буй дотоодын болон олон улсын төсөл хөтөлбөрүүд, тэдгээрийн үр нөлөөг тооцож, хэрэгжилтийг үнэлэх, мэргэжлийн санал, зөвлөмж, дүгнэлт гаргах хүсэлтэй иргэн, баг, хуулийн этгээдийг санал ирүүлэхийг урьж байна.
Шинжээч нь ажлын даалгаврын Гуравдугаар бүлэгт заасан ажил, үүргийн дагуу дүгнэлт гаргах ажлыг хэрэгжүүлнэ.
Шинжээчийн төсөвт өртөг: 43,368,800.00 төгрөг
Ажлын даалгаврыг эндээс үзнэ үү.
Шинжээч нь дараах шаардлагыг хангасан хуулийн этгээд, баг, хувь хүн байна. Үүнд:
Хуулийн этгээд, багийн хувьд:
- Ижил төрлийн ажил үйлчилгээг гүйцэтгэсэн, шинжилгээ, судалгаа хийж байсан ажлын дадлага, туршлагатай байх;
- Судалгааны арга зүй ашиглаж үнэлгээ, дүгнэлт боловсруулах, багаар ажиллах чадвартай, ёс зүйтэй, зөв хандлагатай байх;
- Холбогдох хууль тогтоомжид заасан нөхцөл шаардлагын дагуу ашиг сонирхлын зөрчилгүй байх;
- Мэргэжлийн боловсон хүчний нөөцтэй байх. Үүнд:
- Гидрогеологич – Газрын доорх усны нөөцийн мэргэжилтэн:
- Гидрогеологийн чиглэлээр Их, Дээд сургууль төгссөн, магистр ба түүнээс дээш зэрэгтэй байх;
- 7 болон түүнээс дээш жил мэргэжлээрээ ажилласан, газрын доорх усны чиглэлээр судалгаа хийсэн байх;
- Багаар ажиллах, ёс зүйтэй, зөв хандлагатай байх.
- Гидрохимич – Усны чанарын мэргэжилтэн:
- Усны хими, усны чанарын чиглэлээр их, дээд сургууль төгссөн магистр ба түүнээс дээш зэрэгтэй байх;
- 7 болон түүнээс дээш жил мэргэжлээрээ ажилласан, газрын доорх усны чиглэлээр судалгаа хийсэн байх;
- Багаар ажиллах, ёс зүйтэй, зөв хандлагатай байх.
- Усны экологич:
- Усны экологич чиглэлээр их, дээд сургууль төгссөн, магистр түүнээс дээш зэрэгтэй байх;
- 7 болон түүнээс дээш жил мэргэжлээрээ ажилласан, газрын доорх усны чиглэлээр судалгаа хийсэн байх;
- Багаар ажиллах, ёс зүйтэй, зөв хандлагатай байх.
Хувь хүний хувьд:
Дээрх гүйцэтгэх ажлын зорилгуудыг хангах нарийн мэргэжлийн үнэлгээ хийх боломжтой, дээрх мэргэжлүүдээр мэргэшсэн, мэргэжлээрээ 10-аас дээш жил ажилласан, судалгаа, шинжилгээ хийж байсан туршлагатай, усны шинжилгээ хийж, үр дүнг нэгтгэн гаргах чадвартай, бодлогын судалгаа хийж байсан, багаар ажиллах, ёс зүйтэй, зөв хандлагатай байх шаардлагыг хангасан байна.
Бүрдүүлэх материал:
Хуулийн этгээд:
- Улсын бүртгэлийн гэрчилгээний хуулбар;
- Тусгай зөвшөөрлийн гэрчилгээний хуулбар;
- Татварын тодорхойлолт /өр төлбөргүй байх, цахим сайтаас гаргасан QR кодтой/;
- Нийгмийн даатгалын тодорхойлолт /өр төлбөргүй байх, цахим сайтаас гаргасан QR кодтой/;
- ШШГЕГ-ын хугацаа хэтэрсэн өр төлбөргүй талаарх тодорхойлолт;
- Шүүхийн төрөлжсөн архивын тодорхойлолт;
- Гүйцэтгэсэн адил төстэй үйлчилгээний мэдээлэл /2022, 2023, 2024 он/;
- Үндсэн ажилтны анкет, боловсрол, мэргэшлийн гэрчилгээний хуулбар;
- Үндсэн ажилтны нийгмийн даатгалын лавлагаа /сүүлийн 1 жилээр E-Mongolia цахим сайтаас авсан байх/;
- Санхүүгийн тайлан /2023, 2024 он/
Баг, хувь хүний хувьд:
- Шинжээчийн анкет /CV/
- Иргэний үнэмлэхийн хуулбар;
- Боловсролын зэргийн диплом;
- Мэргэшлийн гэрчилгээ, үнэмлэх, сертификатын хуулбар;
- Гүйцэтгэсэн ижил төстэй зөвлөх үйлчилгээний мэдээлэл /багийн гишүүн тус бүрээр, сүүлийн 3 жилээр/;
- Багийн гишүүдтэй хамтран ажиллах гэрээг нотариатаар баталгаажуулсан байх.
Сонирхож буй этгээд нь дээр дурдсан материалуудыг 2025 оны 05 дугаар сарын 01-ний өдрийн 09 цаг 30 минутаас өмнө /byambasurenb@audit.gov.mn info@audit.gov.mn/ хаягаар ирүүлнэ үү. Хүсэлт, баримт бичгийг PDF файлаар нэгтгэн цахимаар /PDF файлыг 15MB-аас ихгүй байх, хэрэв заасан хэмжээнээс илүү гарсан бол файлыг хувааж/ ирүүлнэ.
Ерөнхий шаардлагыг хангаж буй эсэхийг үнэлсний дараагаар “Хураангуй жагсаалт”-д бүртгэгдсэн этгээдэд “Саналын баримт бичиг”-ийг хүргүүлэх болно.
Хаяг:
Улаанбаатар хот, Чингэлтэй дүүрэг, Бага тойруу-3 Засгийн газрын IV байр 305 тоот
Санхүү хөрөнгө оруулалтын хэлтсийн Худалдан авах үйл ажиллагаа хариуцсан шинжээч Б.Бямбасүрэн +976-51-261745, 99641235
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
