Хөвсгөл аймаг дахь Төрийн аудитын газраас аудитад аймгийн Засаг даргын тамгын газрын Санхүү, төрийн сангийн хэлтэс, Бүс, орон нутгийн хөрөнгө оруулалт, бодлого, төлөвлөлтийн хэлтэс, аймгийн Байгаль орчны газар, Газрын харилцаа, барилга хот байгуулалтын газар, Дэлгэрмөрөн-Шишхэд голын сав газрын захиргаа зэрэг байгууллагын төлөөлөл, сумдын Засаг дарга, Байгаль орчны асуудал хариуцсан мэргэжилтэн, Байгаль хамгаалагч нарыг оролцуулан танхимаар болон цахимаар 2025 оны 05 дугаар 05-нд аудитын нээлтийг зохион байгууллаа.
Аудитын нээлтээр аудитын менежер Б.Тэгшдэлгэр, аудитор С.Гансүх, Н.Гүрбазар нар оролцож товч мэдээллийг танилцууллаа.
- Аудитын зорилго, зорилт, аудитын хүрээнд авах судалгаа
- Уул уурхайн нөхөн сэргээлтийн баталгааны тусгай дансны судалгааны талаарх мэдээлэл
- Аудитын төлөвлөлтийн шатанд нөхөн сэргээгдээгүй орхигдсон газруудад талбар дээр ажилласан байдал мэргэжлийн байгууллагуудаас тодруулга хийж харилцан санал солилцлоо.
Аудитын нээлтэд аудитад хамрагдагч байгууллага болон байгаль орчны асуудал хариуцсан нийт 50 орчим албан хаагчид оролцлоо.
