Улсын Их Хурлын чуулганы 2025 оны 05 дугаар сарын 08-ны өдрийн нэгдсэн хуралдаанаар Монгол Улсын Ерөнхий аудитораар Сандагийн Магнайсүрэнг томилсон. Өнөөдөр Улсын Их Хурлын Төсвийн байнгын хорооны дарга Ц.Даваасүрэн, УИХ-ын Тамгын газрын дарга Б.Баасандорж нарын албаны хүмүүс Монгол Улсын Ерөнхий аудиторыг томилсон Улсын Их Хурлын тогтоолыг Үндэсний аудитын газрын удирдлагуудад танилцууллаа. Монгол Улсын Ерөнхий аудитор С.Магнайсүрэн энэ үеэр Улсын Их Хурлын сонсгол болон Байнгын хороо, нэгдсэн чуулганы үеэр гишүүдийн зүгээс хөндөж ярьсан асуудал, санал шүүмжлэлийн талаар судалж, яаралтай хариу өгөх болон бусад асуудлаар мэдээлэл, танилцуулга бэлдэх үүргийг Үндэсний аудитын газрын удирдлагуудад өглөө. 
Монгол Улсын Ерөнхий аудитор Сандагийн Магнайсүрэн нь 1975 онд төрсөн. Тэрбээр,
- 1983-1993 онд Говь-Алтай 1 дүгээр сургууль,
- 1993-1997 онд Монгол Улсын их сургуулийн Хууль зүйн дээд сургуулийг эрх зүйч мэргэжлээр тус тус төгссөн. Хууль зүйн шинжлэх ухааны магистр зэрэгтэй.
- 1997-1999 онд “Улаанбаатар Эрдэм” дээд сургуульд багш, тэнхимийн эрхлэгч
- 1999-2000 онд Улсын Их Хурлын гишүүний туслах,
- 2000-2005 онд Улсын Их Хурлын Тамгын газарт зөвлөх,
- 2005-2006 онд Сүхбаатар дүүргийн Засаг даргын Тамгын газрын дарга, 2006-2007 онд Хүнс, хөдөө аж ахуйн яаманд сайдын зөвлөх,
- 2007-2008 онд Сангийн яаманд газрын дарга,
- 2008-2013 онд Улсын Их Хурлын Ерөнхий Нарийн бичгийн дарга,
- 2015 онд Хөдөлмөрийн яаманд Төрийн нарийн бичгийн дарга,
- 2015-2023 онд Барилга, хот байгуулалтын яаманд Төрийн нарийн бичгийн дарга,
- 2023-2024 онд Уул уурхай, хүнд үйлдвэрийн яаманд Төрийн нарийн бичгийн даргаар тус тус ажиллаж байсан
