“ЭРҮҮЛ АГААР – БҮТЭЭН БАЙГУУЛАЛТ” ӨДӨРЛӨГ ЗОХИОН БАЙГУУЛЛАА.

Үндэсний аудитын газар болон НТАГ-ын ажилтнууд амралтын өдрийг эрүүл агаарт өнгөрөөх, биеийн тамирын тэмцээн, урлагийн тоглолт зохион байгуулах, нийслэлийн Чингэлтэй дүүргийн 2019 оны бүтээн байгуулалтуудтай танилцах өдөрлөгийг зохион байгууллаа.

Өдөрлөгийн хүрээнд орчин үеийн стандартаар барьж байгуулсан хөл бөмбөгийн талбайд дээр зохион байгуулсан нөхөрсөг тэмцээнд 2 баг оролцож, тоглолтын үндсэн цагт 1:1 харьцаатайгаар тэнцэж, торгуулийн цохилтоор НТАГ-ын баг хожлоо. “Хайрхан” хөгжлийн төвд болсон гар бөмбөгийн нөхөрсөг тэмцээнд ҮАГ-ын эрэгтэй, эмэгтэй багууд түрүүллээ.

Театрын акустик бүхий задгай театрт ажилтнууд урлагийн хувийн тоглолтоороо хамт олноо хөгжөөлөө.

Өдөрлөгт ҮАГ-ын тамгын газрын дарга Ц.Ганболд, НТАГ-ын дарга С.Энхбаатар, Чингэлтэй дүүргийн Засаг дарга Д.Эрдэнэбат нар оролцлоо.

НТАГ-ын тамгын хэлтэс