1

ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

 

  1. Үндэсний аудитын газар нь ҮАГ-20/022 дугаартай “Эрдэнэс Тавантолгой” ХК-ийн 2018-2019 оны үйл ажиллагаа болон Тавантолгойн орд ашиглалтад төрөөс эрдэс баялгийн салбарт баримтлах бодлого, Ашигт малтмалын тухай хуулиар хүлээсэн үүргийн биелэлтэд хийх аудитын хүрээнд уурхайн Үйлдвэрлэлийн үйл ажиллагаа технологийн дагуу бүрэн хүчин чадлаар үр дүнтэй явагдаж байгаа эсэхэд дүгнэлт гаргах” зөвлөх үйлчилгээ үзүүлэхийг хэрэгжүүлэх зорилгоор гэрээ шууд байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.

 

  1. Энэхүү зөвлөх үйлчилгээ нь “Эрдэнэс Тавантолгой” ХК-ийн 2018-2019 оны үйл ажиллагаа болон Тавантолгойн орд ашиглалтад төрөөс эрдэс баялгийн салбарт баримтлах бодлого, Ашигт малтмалын тухай хуулиар хүлээсэн үүргийн биелэлтэд хийх гүйцэтгэлийн аудитын хүрээнд Цанхын зүүн болон баруун хэсгийн үйлдвэрлэлийн олборлолтын чиглэлээр шинжээчийн дүгнэлт гаргах зорилготой болно.

 

  1. Мэдүүлгээ ирүүлж буй зөвлөх нь тухайн үйлчилгээг гүйцэтгэхээр ажлын даалгаварт шаардсан шаардлагыг хангасан тухай чадвартайг нотлох мэдээллийг ирүүлнэ. Чадварыг нэмэгдүүлж сайжруулах зорилгоор зөвлөхүүд түншлэлийн хэлбэрээр оролцож болно.

 

  1. Тендертэй холбоотой нэмэлт мэдээллийг 2020 оны 09 дүгээр сарын 30-ны өдрийн 09 цаг 30 минут хүртэл авах боломжтой. Оролцогч мэдүүлгээ Үндэсний Аудитын газарт 2020 оны 10 дугаар сарын 01-ний өдрийн 10 цаг 00 минутын дотор ирүүлнэ үү.

Хавсралт 03 хуудастай. ЭНД дарж үзнэ үү.

 

15160 Улаанбаатар хот, Чингэлтэй дүүрэг, Бага тойруу-3,                                                        Засгийн газрын IV байр, 04 дүгээр давхар, 403 тоот өрөө.

Үндэсний Аудитын газар, Утас: 11-329870

www.tender.gov.mn www.audit.mn