Төрийн аудитын тухай хуулийн шинэчилсэн найруулга болон дагалдан гарсан хуулиудын эцсийн найруулгыг уншиж танилцууллаа


 

Улсын Их Хурлын 2020 оны хаврын ээлжит чуулганы өнөөдрийн (2020.05.05) нэгдсэн хуралдаанаар батлагдсан хууль, Улсын Их Хурлын тогтоолуудын эцсийн найруулгыг сонсов. Улсын Их Хурлын дарга Г.Занданшатар хууль, тогтоолуудын эцсийн найруулгыг уншиж танилцууллаа.

Төрийн аудитын тухай хуулийн шинэчилсэн найруулга болон дагалдан гарсан Төрийн аудитын тухай хууль хүчингүй болсонд тооцох тухай, Банкны тухай хуульд нэмэлт оруулах тухай, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт оруулах тухай, Газрын тосны тухай хуульд өөрчлөлт оруулах тухай, Төсвийн тухай хуульд нэмэлт оруулах тухай, Аудитын тухай хуульд нэмэлт оруулах тухай, Төрийн болон орон нутгийн өмчийн тухай хуульд өөрчлөлт оруулах тухай хуулийн эцсийн найруулгыг Улсын Их Хурлын дарга уншиж танилцуулсан бөгөөд хуулиудын эцсийн найруулгатай холбоотой санал хэлэх шаардлагагүй хэмээн гишүүд үзсэн байна.