ҮАГ-Т СА, ГА БОЛОН МЭДЭЭЛЛИЙН ТЕХНОЛОГИЙН ЧИГЛЭЛЭЭР 3 ЗӨВЛӨХ 8 САРЫН ХУГАЦААТАЙ АЖИЛЛАНА

 Дэлхийн банкнаас хэрэгжүүлж буй Уул уурхайн дэд бүтцийн хөрөнгө оруулалтыг дэмжих төслийн санхүүжүүлтээр дараах 3 зорилгын хүрээнд Монгол Улсын Үндэсний аудитын газарт Санхүүгийн аудитын зөвлөх, Гүйцэтгэлийн аудитын зөвлөх

болон Мэдээллийн технологийн зөвлөхийг сонгон шалгарууллаа. Үүнд:

1.    Төрийн байгууллагуудаас санхүүгийн тайлан ба мэдээллийг хүлээн авах үйл ажиллагааг цахимжуулах, санхүүгийн тайлангийн аудитад мэдээллийн технологийг нэвтрүүлэх ба цаашид шилэн дансны тогтолцоонд нийцүүлэн санхүүгийн тайлангийн аудитын арга зүйг сайжруулах

2.    Монгол Улсын төрийн аудитын байгууллагын хөрөнгө оруулалт, байгаль орчны чиглэлээр гүйцэтгэлийн аудитын чадавхийг бэхжүүлэх, судалгаа шинжилгээ хийж, холбогдох стандарт, арга зүйг боловсруулах

3.    Төрийн аудитын байгууллагад мэдээллийн технологийг хөгжүүлэх бодлогыг тодорхойлж, стандартийг хэрэгжүүлэхэд дэмжлэг үзүүлэх

Зөвлөхүүдийг сонгон шалгаруулах ажлыг Дэлхийн банкны зөвлөх сонгон шалгаруулах журмын дагуу Үнэлгээний хороог байгуулж, ажлын байрыг олон нийтэд нээлттэй зарлаж зохион байгуулсан бөгөөд холбогдох материалаа ирүүлсэн нийт 12 нэр дэвшигчдээс дараах 3 нэр дэвшигчийг ажлын байрны тодорхойлолтод тавигдсан шаардлагуудын дагуу сонгон шалгаруулсан болно.

1.    Санхүүгийн аудитын зөвлөх – Ч.Байгаль

2.    Гүйцэтгэлийн аудитын зөвлөх – Т. Очирхүү

3.    Мэдээллийн технологийн зөвлөх – Э.Цогоо