Хөвсгөл аймаг дахь Төрийн аудитын газар шинээр томилогдсон аудитор, гэрээт аудиторуудад сургалт зохион байгууллаа
Шинээр томилогдсон аудитор, гэрээт аудиторуудад санхүүгийн тайлангийн аудит гүйцэтгэхтэй холбогдуулан Архив албан хэрэг хөтлөлт, Төрийн аудитын байгууллагын ажилтны ёс зүй, Төрийн аудитын байгууллагаас санхүүгийн тайланд аудит хийхэд мөрдөж байгаа журам, заавар сэдвээр сургалт зохион байгууллаа.
Төрийн аудитын байгууллагын ажилтны ёс зүй сэдвээр Монгол Улсын Ерөнхий аудиторын 2018 оны 11 сарын 21-ний өдрийн А/210 дугаар тушаалаар батлагдсан Төрийн аудитын байгууллагын ажилтны мөрдөх ёс зүйн дүрэм дэх Төрийн аудитын байгууллагын үйл ажиллагаанд дагаж мөрдөх зарчим, ёс зүйн хэм хэмжээ, хориглох зүйлс, ёс зүйн хэм хэмжээ болон хориглох зүйлийг зөрчсөн албан тушаалтанд хүлээлгэх хариуцлага зэрэг мэдээлэл өглөө.
Төрийн аудитын байгууллагаас санхүүгийн тайланд аудит хийхэд мөрдөж байгаа журам, заавар сэдвээр Монгол Улсын Ерөнхий аудиторын 2018 оны 05 сарын 16-ны өдрийн А/124 дүгээр тушаалаар батлагдсан журам дахь маягтуудыг СТАУС программ дээр хэрхэн ашиглах талаар мэдээлэл өгч ажиллав.
