Баян-Өлгий аймаг- Санхүүгийн тайланд итгэл үзүүлсэн байгууллагуудад “итгэмжлэл” гардууллаа

Баян-Өлгий аймгийн Аудитын газраас 01 дүгээр сарын 21-ний өдөр Монгол Улсын Ерөнхий аудиторын 2015 оны А/249 тоот тушаалын 1-р хавсралтаар 2015 оны санхүүгийн тайланд итгэл үзүүлэн тухайн жилд аудит хийхгүй өнжөөх байгууллагуудын жагсаалтанд орсон байгууллагуудад “Итгэмжлэл” гардуулах арга хэмжээ зохион байгуулав.

Уг арга хэмжээнд Аудитын газрын дарга, тэргүүлэх аудитор, аудитын менежер, аудитор, шинжээчид болон төсвийн байгууллагуудын дарга, нягтлан бодогчид оролцов.

Тус Аудитын газраас энэ онд Монгол Улсын Ерөнхий аудиторын 2015 оны 240 дүгээр тушаалаар батлагдсан “Санхүүгийн тайлангийн аудитад итгэл үзүүлэхэд баримтлах журам”-ын дагуу нягтлан бодох бүртгэл хөтлөлт, дотоод хяналт сайтай  нь тогтоогдож 2012-2014 онуудад жил дараалан санхүүгийн тайлангийн аудитаар зөрчилгүй санал дүгнэлт авсан орон нутгийн 40 байгууллагад итгэл үзүүлж байна.

Арга хэмжээний үеэр тэргүүлэх аудитор, аудитын менежер нар энэ жилийн санхүүгийн тайлангийн аудитын онцлог, баримтлах чиглэлийн талаар дэлгэрэнгүй танилцуулга хийлээ.