ТАБ-ын 2014 ОНЫ УДИРДАХ АЖИЛТНЫ ЗӨВЛӨГӨӨН АМЖИЛТТАЙ ЗОХИОН БАЙГУУЛАГДЛАА.

Төрийн аудитын байгууллагын 2014 оны Удирдах ажилтны зөвлөгөөн амжилттай зохион байгуулагдлаа. Тус зөвлөгөөнд Монгол Улсын Ерөнхий аудитор, Дэд дарга, Ерөнхий менежер, ҮАГ-ын Тамгын газрын дарга, Стратеги удирдлагын газрын дарга, Төрөлжсөн аудитын газрын дарга нар, менежерүүд, Нийлэл – Хөдөө орон нутгийн аудитын газрын дарга , тэргүүлэх аудитор, менежерүүд, нийт70 хүн оролцлоо. Төрийн аудитын байгууллагын удирдах ажилтнуудад Монгол Улсын Ерөнхийлөгчийн Хүний эрх, хуулийн бодлогын зөвлөх Ч. Өнөрбаяр “Том төрөөс Ухаалаг төр лүү”, Авлигатай тэмцэх газрын Хяналт, шинжилгээ, хэлтсийн ахлах ажилтан  Б.Өлзий “Албан тушаалтны хувийн ашиг сонирхлын мэдүүлэг болон хөрөнгө орлогын мэдүүлэг”-ийн талаар, МУИС, Эдийн засгийн сургуулийн Санхүүгийн тэнхимийн багш Доктор, дэд професор А.Энхбат “Иргэдийн оролцоо төсвийн төвлөрөлийг сааруулах (ОНХС-ын тухай)”, “Хан голомт” сургалтын  төвийн захирал Ц.Азбаяр “Манлайлал, Байгууллагын соёл (ажлын байран дээрх харилцааны ур чадвар)” сэдвүүдээр сургалт явуулж, Үндэсний аудитын газрын Тамгын газар, Стратеги удирдлагын газар, Төрөлжсөн аудитын газрууд ажлаа тайлагнаж, мэргэжлийн арга зүйн зөвлөгөө өгч, сургалт семинарыг зохион байгууллаа. Зөвлөгөөнд УИХ-ын Даргын зөвлөх С.Ламбаа, УИХ-ын Төсвийн байнгын хорооны дарга Ц.Даваасүрэн нар төрийн аудитын байгууллагын удирдах ажилтнуудтай уулзаж, тэдний санал хүсэлтийг хүлээн авч, чиглэл зөвлөгөө өглөө.