ҮАГ-ЫН ДЭД ДАРГА, ТЭРГҮҮЛЭХ АУДИТОР Б.БАТТУЯА МАЛАЙЗ УЛСЫН КУАЛА ЛАМПУР ХОТНОО ЗОХИОН БАЙГУУЛАГДСАН УЛСЫН ӨРИЙН УДИРДЛАГЫН АУДИТЫН ТОГТОЛЦОО СЭДЭВТ УУЛЗАЛТАД ОРОЛЦОЖ, АУДИТЫН ДЭЭД БАЙГУУЛЛАГУУДТАЙ ХИЙХ ХАМТЫН АЖИЛЛАГААНЫ ГЭРЭЭНД ГАРЫН ҮСЭГ ЗУРЛАА

IDI болон ASOSAI-гаас зохион байгуулж буй Улсын өрийн аудитын чиглэлээр хамтран ажиллах Ази болон Африкийн 15 орны Аудитын дээд байгууллагуудын Ерөнхий аудитор, Ерөнхий аудиторын орлогч нарын уулзалт Малайз улсын Куала Лампур хотод 2014 оны 5 дугаар сарын 20-22ны хооронд зохион байгуулагдсан бөгөөд тус уулзалтад Үндэсний аудитын газрын Дэд дарга, тэргүүлэх аудитор Б.Баттуяа оролцож хамтын ажиллагааны гэрээнд гарын зурлаа. Аудитын дээд байгууллагуудыг засгийн газрынхаа зээл болон өрийн удирдлагын үйл ажиллагаанд аудит хийх, хяналтыг бэхжүүлэх нь IDI/WGPD болон UNCTAD-ын хамтын ажиллагааны тооцоолж буй үр дүн бөгөөд энэ хөтөлбөрт хамрагдсан улсын Аудитын дээд байгууллагуудын үйл ажиллагаанд чухал нөлөө үзүүлэх болно.

Хөтөлбөрийн ерөнхий чиглэл:

• 1 дүгээр үе шат: Гэрээний зөвшилцөл болон дэмжлэг, Үндсэн судалгаа, ISSAI & UNCTAD-ын зарчимд нийцүүлсэн цахим болон удирдамжийн материал боловсруулах, Цахим хичээл болон семинар хамарсан зааварчилгаа/удирдамж бэлтгэх. 2013-2014 он

• 2 дүгээр үе шат: Бэлтгэгдсэн удирдамжийг хэрэгжүүлэх, Аудитын төлөвлөлтөө боловсруулах, Туршилтын аудит хийх. 2013-2014 он

• 3 дугаар үе шат: Аудитын үр дүнг дүгнэх, Улсын өрийн удирдлагын бүс нутгийн сургагч багшийн сургалт, IDI-WGPD улсын өрийн удирдлагын удирдамжийн өөрчлөлт, ISSAI-н улсын өрийн аудитын гарын авлагыг шинэчлэх. 2015онд

• Хөтөлбөрийн үр дүнг цаашид дэмжиж үргэлжлүүлэх нөхцөл болон Хөтөлбөрийг хаах: Мэргэшсэн багууд мэдээ солилцох, Туршилтын аудитаас илэрсэн гол дүгнэлтүүдийг нэгтгэх, хөтөлбөрт үнэлгээ хийх. 2016 онд

Энэхүү хамтын ажиллагаанд оролцсоноор Үндэсний аудитын газар Улсын өрийн аудитыг Олон улсын түвшинд стандарт, гарын авлагын дагуу гүйцэтгэх мэргэшсэн аудиторуудыг бэлтгэх бөгөөд оролцож буй орнуудын Төрийн аудитын дээд байгууллагуудын туршлагаас суралцах юм.