УИХ-ААС УДИРДЛАГА НЬ ТОМИЛОГДДОГ БОЛОН УЛСЫН ИХ ХУРАЛД АЖЛАА ТАЙЛАГНАДАГ БАЙГУУЛЛАГУУДЫН МЭДЭЭЛЛИЙН ТЕХНОЛОГИЙН АЖИЛТНУУДЫН МЭДЭЭЛЭЛ, ТУРШЛАГА СОЛИЛЦОХ ЭЭЛЖИТ УУЛЗАЛТЫГ ҮАГ, СЗХ ХАМТРАН ЗОХИОН БАЙГУУЛЛАА

Улсын их хурлаас удирдлага нь томилогддог болон улсын их хуралд ажлаа тайлагнадаг байгууллагуудын мэдээллийн технологийн ажилтнуудын мэдээлэл, туршлага солилцох ээлжит уулзалтыг Үндэсний Аудитын Газар, Санхүүгийн Зохицуулах Хороотой хамтран 2014 оны 05 сарын 29 нд Засгийн газрын 4-р байранд амжиттай зохион байгууллаа. Тус сургалтыг Үндэсний Аудитын Газрын Тамгын газрын дарга Л.Дулмаа, Санхүүгийн Зохицуулах Хорооны Тамгын газрын дарга Д.Нямцэрэн нар нээж үг хэлэн уулзалтад оролцогчдод амжилт хүслээ. Сургалтад Үндэсний Аудитын Газар, Санхүүгийн зохицуулах хорооны мэдээллийн технологийн ажилтнууд байгууллагынхаа бүтэц, зохион байгуулалт, үйл ажиллагаа, гадаад дотоод цахим хуудас түүний удирдлага зохион байгуулалт болон Үндэсний Аудитын Газар үйл ажиллагаандаа хэрэглэдэг Teammate, IDEA программ, Санхүүгийн Зохицуулах Хороо KPI программ, Fina системийн талаар мэдээлэл хийлээ.

Энэхүү уулзалтад Улсын Их Хурлын Тамгын газар, Санхүүгийн Зохицуулах Хороо, Үндэсний Аудитын Газар, Монгол банк, Үндэсний Статистикийн Хороо, Сонгуулийн Ерөнхий Хороо, Авлигатай Тэмцэх Газар, Үндсэн Хуулийн Цэц, Хүний Эрхийн Үндэсний Комисс, Төрийн Албаны Зөвлөлийн мэдээллийн технологийн ажилтнууд оролцлоо.