ТӨРИЙН АУДИТЫН БАЙГУУЛЛАГЫН УДИРДАХ АЖИЛТНЫ ЗӨВЛӨГӨӨН ЗОХИОН БАЙГУУЛАГДЛАА

Төрийн аудитын байгууллагын удирдах ажилтны зөвлөгөөн зохион байгуулагдлаа.

Зөвлөгөөнд Үндэсний аудитын газрын болон аймаг нийслэлийн аудитын газрын дарга, тэргүүлэх аудиторууд оролцож, 2015 оны ажлын үр дүн, ололт амжилт, алдаа дутагдал, тулгамдаж байгаа асуудлын талаар, санал бодлоо солилцон, 2016 оны зорилго ,зорилт, төрийн аудитын шинэчлэл, аудитын чанар, үр нөлөө үр өгөөжийг дээшлүүлэх талаар зөвлөлдлөө.

Зөвлөгөөнийг нээж Монгол Улсын Ерөнхий аудитор А.Зангад үг хэлж, цаашдын үйл ажиллагаа, бодлогын зорилтыг дэвшүүлж, ҮАГ-ын дэд дарга Б.Баттуяа “Аудитын ажлын зохион байгуулалт, өөрчлөлт шинэчлэлт, үр дүн “ ҮАГ-ын Ерөнхий менежер Э.Отгон “Төрийн аудитын байгууллагын бодлогын зорилтын хэрэгжилт,үр дүн” Нийцлийн аудитын газрын дарга, тэргүүлэх аудитор Б.Алтанзул “ Шилэн дансны хууль, түүний хэрэгжилтэд хийсэн аудитын дүн, анхаарах асуудал”, “Орон нутгийн хөгжлийн сан түүний хэрэгжилтийн байдал, аудитад анхаарах асуудал” сэдвээр тус тус илтгэл тавилаа.

Мөн урилгаар АТГ-ын Авлигаас урьдчилан сэргийлэх, соён гэгээрүүлэх хэлтсийн мэргэжилтэн Дэлгэрбаяр “Авлигын эсрэг хуулийн хэрэгжилт орон нутагт” сэдвээр илтгэл тавьж санал бодлоо солилцлоо.

Зөвлөгөөний үеэр 2015 онд үйл ажиллагаагаараа тэргүүлсэн Нийслэл, Төв аймаг, Ховд, Говь Алтай аймгийн аудитын газруудад шагнал гардууллаа.