ТЕНДЕРИЙН УРИЛГА

                                                     ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

Үндэсний аудитын газар нь Санхүүгийн тайлангийн аудитын удирдлагын систем (СТАУС) боловсруулж, нийлүүлж, суурилуулах төсөл, арга хэмжээг хэрэгжүүлэх зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна. Энэхүү зөвлөх үйлчилгээ нь төрийн аудитын байгууллагын аудитын чанар, үр нөлөөг дээшлүүлэх, аудитад мэдээллийн технологийн дэвшлийг нэвтрүүлэх, цахимжуулах зорилтын хүрээнд санхүүгийн тайлангийн аудитын үйл явцыг улсын хэмжээнд цахим хэлбэрээр нэгтгэж, удирдах иж бүрэн системийг ажлын даалгаврын дагуу боловсруулж, нийлүүлэх, суурилуулах ажлыг хэрэгжүүлэхэд чиглэнэ. Дээрх төсөл, арга хэмжээ нь 2014 оны 7 дугаар сараас 11 дүгээр сар хүртэл хугацаанд хэрэгжиж дуусах юм. Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох доорх мэдээллийг ирүүлнэ. Үүнд:

• Аудитын удирдлагын мэдээллийн систем боловсруулах нөөц боломж байгаа эсэхийг                             нотлохтой  холбоотой дэлгэрэнгүй тайлбар, танилцуулга
• Ижил төрлийн ажлын туршлагын талаарх мэдээлэл, судалгаа
• Ажиллах боловсон хүчний чадвар, туршлагын талаарх мэдээлэл

Чадварыг нэмэгдүүлэх, төсөл, арга хэмжээний үр дүнг сайжруулах зорилгоор зөвлөхүүд түншлэлийн хэлбэрээр оролцож болно. Ирүүлсэн мэдүүлэгт үндэслэн саналын урилга болон ажлын даалгаврыг хүргүүлэх байгууллагын хураангуй жагсаалтыг гаргана. Сонирхсон этгээд нэмэлт мэдээллийг 2014 оны 6 дугаар сарын 12-ныг хүртэлх хугацаанд авч болох бөгөөд мэдүүлгээ дор дурдсан хаягаар 2014 оны 06 сарын 13–ны 17.00 цагийн дотор ирүүлнэ үү.

      Улаанбаатар хот, Чингэлтэй дүүрэг, Бага тойруу-3,
Засгийн газрын IY байр, 3 давхар, 313 тоот өрөө
Утас: 261585