ҮАГ-ЫН 2016 ОНЫ БҮТЭЭГДЭХҮҮН АЖИЛ, ҮЙЛЧИЛГЭЭНИЙ ТӨЛӨВЛӨГӨӨНИЙ ДАГУУ ХИЙЖ БУЙ НИЙЦЛИЙН АУДИТЫН ЯВЦ

“Шилэн дансны тухай хуулийн хэрэгжилт”-д хийж буй аудитын хүрээнд Төсвийн ерөнхий захирагчдаас Шилэн дансны хуулийн 3-р зүйлийн 3.1.1, 3.1.2, 3.1.3-т хамрагдах байгууллагын судалгааг хүлээн авч нэгдсэн бүртгэлд тусгах ажлыг хийж гүйцэтгэж байна. 

     “Газрын тосны өртөг нөхөх зардлыг баталгаажуулах” аудитаар Газрын тосны газрын холбогдох мэргэжилтнүүдтэй хамтран Монголын алт ХХК-ийн Төхөм урд, Магнай трейд ХХК-ийн Баянтүмэн, Зон Хэн Юу Тиан ХХК-ийн Галба, Вульф Петролеум ХХК-ийн Сүхбаатар талбайн 2014 оны хайгуулын ажлын батлагдсан төсөв, төлөвлөгөө болон ажлын гүйцэтгэлийг холбогдох баримт материалтай тулган шалгаж байна 

     “Орон нутгийн хөгжлийн сангийн 2015 оны зарцуулалт”-д хийх аудитаар орон нутгийн аудитын газрууд сум дүүргүүд дээр ажиллаж байгаа бөгөөд Нийцлийн аудитын газраас өгсөн холбогдох зөвлөмж, зааварчилгааг тухай бүр хүргүүлэн ажиллаж байна.

      “Санхүүгийн зохицуулах хорооны 2015 оны санхүүгийн тайлан баталгаажуулах” аудитын хүрээнд холбогдох анхан шатны баримтуудыг хүлээн авч, Санхүүгийн тайлангийн аудитын горимуудын хүрээнд аудитыг хэрэгжүүлж байна.