ТӨРИЙН АУДИТЫН ҮЙЛ АЖИЛЛАГААГ БОЛОВСРОНГУЙ БОЛГОХ АЖЛЫН ХҮРЭЭНД ОЛОН УЛСЫН СТАНДАРТЫН СУРГАЛТ ЗОХИОН БАЙГУУЛЛАА

Хэнтий, Дорнод, Сүхбаатар аймгуудын аудитын газрын ажилтнуудад 2016 оны 01 дүгээр сарын 10-23-ны өдрүүдэд төрийн аудитын газрын ажилтнуудын тасралтгүй сургалтын төлөвлөгөөний дагуу Аудитын дээд байгууллагын олон улсын стандарт /АДБОУС/-аар 13 өдрийн сургалт зохион байгууллаа.

Төрийн аудитын байгууллагын стратегийн төлөвлөгөөний зорилт болон мэргэжлийн тасралтгүй сургалтын төлөвлөгөөнд тусгагдсан зорилт арга хэмжээг хэрэгжүүлэх үүднээс Аудитын дээд байгууллагуудын олон улсын холбоо /ИНТОСАИ/-оос баталсан Аудитын дээд байгууллагын олон улсын стандарт /АДБОУС/-уудыг төрийн аудитын байгууллагын үйл ажиллагаанд нэвтрүүлэх аргачлал, аудитад хэрхэн гарын авлага болгон ашиглах туршлагыг төрийн аудитын байгууллагын ажилтнуудад сургаж, боловсон хүчний чадавхыг бэхжүүлэхэд уг сургалтын зорилго оршино.

Тухайн сургалтаар төрөлжүүлэн заасан стандарт бүрийн дараа оролцсон ажилтнуудаас нээлттэй асуулт, тодруулга авч хичээл заасан Стратегийн удирдлагын газрын менежерүүд зөвлөгөө мэдээлэл, олон улсын сайн туршлагаар дэлгэрүүлэн тайлбарыг тухай бүр өгч ажиллаа.