ТӨРИЙН АУДИТЫН БАЙГУУЛЛАГАД ДЭЛХИЙН БАНКНЫ ТӨСӨЛ ХЭРЭГЖИНЭ
Үндэсний аудитын газрын удирдлагууд Дэлхийн банкны санхүүгийн менежмент хариуцсан ахлах мэргэжилтэн Рэжис Канинхамт, Монгол дахь суурин төлөөлөгч Жеймс Андерсон нарыг 2016 оны 03 дугаар сарын 16,17- ны өдрүүдэд хүлээн авч уулзалт, зөвлөгөөн зохион байгууллаа.
Тус уулзалтаар дэлхийн банкны төсөл хэрэгжүүлэх асуудлаар санал бодлоо солилцлоо.
Төсөл арга хэмжээний зорилго нь: Үндэсний аудитын газрын чадавхыг сайжруулах зорилготой бөгөөд санхүүгийн аудитад түншийн үнэлгээ хийх болон хувийн аудитын компанитай гэрээлэх, ажлыг ил тод болгох, ажилтнуудын тасралтгүй сургалтын хөтөлбөрийг боловсруулахад анхаарч ажиллах юм.
Төслийн хүрээнд хэрэгжүүлэх үйл ажиллагаа
– Үндэсний аудитын газрын санхүүгийн аудитын үйл ажиллагаанд түншийн үнэлгээ хийлгэснээр тус байгууллагын давуу, сул талуудыг хөндлөнгөөс үнэлж, нэн тэргүүнд сайжруулах шаардлагатай чиглэлүүдийг тодорхойлох
– Үндэсний аудитын газрыг бүхэлд нь хийгээд түүний салбар нэгжүүдийг хамарсан мэдлэг болон сургалтын хэрэгцээний иж бүрэн үнэлгээг хийж, чадавх хүрэлцэхгүй байгаа чиглэлүүдийг тодорхойлох;
– Төслийн хүрээнд хийгдэх түншийн үнэлгээ болон сургалтын хэрэгцээний үнэлгээнд тулгуурлан эрэлт хэрэгцээнд суурилсан, цаашид тогтвортой хэрэгжихүйц мэргэжлийн тасралтгүй боловсрол (“МТБ”)-ын цогц стратеги, үйл ажиллагааны дэлгэрэнгүй төлөвлөгөөг боловсруулах;
– Дээр дурдсан үнэлгээнүүд, стратеги болон үйл ажиллагааны төлөвлөгөөгөөр тодорхойлогдсон чиглэлүүдэд Үндэсний аудитын газрын чадавх бэхжүүлэх хэрэгцээнд тусгайлан зориулагдсан сургалтын материал боловсруулж, Үндэсний аудитын газрын ажилтнуудад сургалт явуулах;
– Үндэсний аудитын газрын хувийн аудитын компанийг сонгон шалгаруулах үйл явцыг сайжруулах, төгөлдөржүүлэх зорилгоор хувийн аудитын компанитай гэрээ байгуулахаар сонгон шалгаруулалт хийх үйл явцыг илүү үр дүнтэй, бүрэн ил тод болгож баримтжуулах чиглэлд техникийн туслалцаа үзүүлэх.
Төслийн үр дүн нь: Түншийн үнэлгээгээр өгсөн зөвлөмжийг хэрэгжүүлж санхүүгийн аудитын үйл ажиллагаа сайжрна
– Мэргэжлийн тасралтгүй боловсролын сургалтын хөтөлбөр төлөвлөгөөнд туссан нэн тэргүүний ач холбогдолтой чиглэлүүдээр Төрийн аудитын байгууллагын ажилтнууд сургалтанд хамрагдсан байна
– Төрийн өмчит байгууллагуудын аудитыг гэрээгээр хийж гүйцэтгэх хараат бус аудитын компанийг сонгон шалгаруулах үйл ажиллагаа боловсронгуй болж ил тод нээлттэй болсон байна.
