МОНГОЛ УЛСЫН ТӨРИЙН АУДИТЫН ЧАДАВХИЙГ БЭХЖҮҮЛЭХ ТӨСӨЛ ХЭРЭГЖҮҮЛЭХЭЭР БОЛЛОО
Монгол Улсын Үндэсний аудитын газар Монгол Улсын Төрийн аудитын чадавхийг бэхжүүлэх техникийн туслалцааны (ТТ) төсөлхэрэгжүүлэхийг Азийн Хөгжлийн Банкнаас хүссэн. ТТ-ны төсөл хэрэгжүүлэх талаарх урьдчилсан уулзалтыг 2013 оны 6-р сарын 26-28-ны өдрүүдэд Улаанбаатар хотноо зохион байгуулж, ТТ-ны төслийн зорилго, хамрах хүрээ, хэрэгжилтийн зохион байгуулалт, зардал болон ажлын удирдамжийн талаар санал солилцож, тохиролцсон бөгөөд уг төсөл нь ҮАГ-ын Санхүүгийн аудитын газарт хэрэгжихээр боллоо.2014 оны 5 дугаар сард төслийн зөвлөх компаниар KPMG Audit LLC шалгарсан. Дээрх төсөл нь 18 сарын хугацаанд хэрэгжиж, 2016 оны 3 дугаар сард дуусна. Зөвлөх баг ҮАГ-ын санхүүгийн аудит, аудитын чанарын хяналтын үзэл баримтлал, горим ба арга зүйг хянаж үнэлэх бөгөөд бодлогын зөвлөмж боловсруулна.
Мөн сургалтын тодорхой агуулга ба хуваарийг тодорхойлж, АДБОУС-ын шаардлагатай хэсгийг орчуулах зэргээр санхүүгийн аудит ба аудитын чанарын хяналтын сургалтад шаардлагатай сургалтын материалыг боловсруулна. Сургалтад ҮАГ-ын Санхүүгийн аудитын газар, Стратеги удирдлагын газар, Нийслэлийн аудитын газраас нийт 50 ажилтан хамрагдана.
Гарах гол үр дүн
– ҮАГ дахь санхүүгийн аудит, аудитын чанарын хяналтын үзэл баримтлал, горим, арга зүйг хянаж, үнэлэх,уг үзэл баримтлалыг бэхжүүлэх болон горим, арга зүйг сайжруулахад чиглэсэн зөвлөмжөөр хангах;
– Санхүүгийн аудитын сургалтыг зохион байгуулах, СТОУС, АОУС ба АДБОУС-д суурилан шаардлагатай сургалтын материал ба үнэлгээний материалыг боловсруулах;
– Аудитын чанарын хяналтын сургалтыг зохион байгуулах, АОУС, АДБОУС-д суурилан шаардлагатай сургалтын ба үнэлгээний материалыг боловсруулах;
– Монгол Улсын аудитын чадавхийг бэхжүүлэх ба аудитын чанарыг сайжруулах цаашдын хэрэгцээ, шаардлагын талаарх төрийн холбогдох албан тушаалтан болон бусад харилцагчдын мэдлэг, мэдээллийг нэмэгдүүлэхэд ач холбогдолтой болно.
