МОНГОЛ УЛСЫН ҮНДЭСНИЙ АУДИТЫН ГАЗАР ОЛОН УЛСЫН АУДИТЫН ДЭЭД БАЙГУУЛЛАГА “ИНТОСАИ”-н ОЛБОРЛОХ АЖ ҮЙЛДВЭРИЙН АУДИТЫН АЖЛЫН ХЭСГИЙН ГИШҮҮН БОЛЛОО
Олборлох аж үйлдвэрийн ажлын хэсгийн зорилго нь: Сайн засаглал болон нийгмийн үр ашгийг нэмэгдүүлэх зорилгоор олон улсын аудитын дээд байгууллагын хамтын ажиллагааны хүрээнд олборлох аж үйлдвэрийн аудитыг дэмжин сайжруулахад оршино. Монгол Улсын Үндэсний Аудитын Газар Олон Улсын аудитын дээд байгууллагын олборлох аж үйлдвэрийн аудитын ажлын хэсэгт 2014 оны 5 дугаар сарын 9 нд гишүүн болсон. Тус ажлын хэсэг нь нийт 29 гишүүн орон, 2 ажиглагч орон хамрагдаж байгаа бөгөөд Ажлын хэсгийг даргалагч орноор Бүгд Найрамдах Уганда улсын Аудитын дээд байгууллага томилогдон ажиллаж байна.Монгол Улсын Ерөнхий Аудитор А.Зангад 2014 оны 8 дугаар сарын 25-27-нд Бүгд Найрамдах Уганда улсын Кампала хотноо зохион байгуулагдах Олборлох аж үйлдвэрийн аудитын ажлын хэсгийн анх дугаар уулзалтад оролцох юм.
Ажлын хэсэг нь Засгийн газраас олон нийтийн эрх ашигт хамгийн их нийцсэн байгалийн баялагийн нөөцийн удирдлагыг хэрэгжүүлэх үйл ажиллагаанд хяналт тавих зорилттой. Үүнд:
– Олборлох аж үйлдвэрийн салбарт үнэ цэнэ бий болгож, нээлттэй ил тод, хариуцлагатай байдлыг дэмжих.
– Тус салбарт аудит хийснээр аудитын дээд байгууллагын чадавх бэхжиж, иргэдийн амьдралыг сайжруулах.
– Тус салбар дахь аудитын дээд байгууллагын үүрэг роль түүнд хандуулах олон нийтийн анхаарлыг бий болгох.
– Олборлох аж үйлдвэрийн аудит нь судалгааны болон хөгжлийн хөтөлбөртэй.
– Хувьцаа эзэмшигчидтэй холбогдож аудитын судалгааны үр дүнг түгээж, мэдлэг солилцох.
