ХЭНТИЙ АЙМАГ- ОРОН НУТГИЙН ХУРЛЫН СОНГУУЛИЙН ЗАРДЛЫН ДЭЭД ХЭМЖЭЭГ ТОГТООЛОО.

Аймгийн аудитын газар Сонгуулийн тухай хуулийн 41 дүгээр зүйлийн 41.3 –т “Орон нутгийн хурлын сонгуулийн тухайд төрийн аудитын дээд байгууллагаас тогтоосон жишигт нийцүүлэн аймаг, нийслэл дэх төрийн аудитын салбар байгууллага нь тухайн аймаг, нийслэл, сум, дүүрэг дэх орон нутгийн хурлын сонгуулийн тойрогт нам, эвсэл, нэр дэвшигчээс зарцуулах зардлын дээд хэмжээг санал авах өдрөөс 90-ээс доошгүй хоногийн өмнө тогтооно.” гэж заасны дагуу нам, эвсэл, нэр дэвшигчдийн сонгуулийн зардлын дээд хэмжээг хуулийн хугацаанд нь тооцон гаргаж, аймгийн ИТХ-д хүргүүллээ.

Мөн энэ талаар аймгийн “Хэнтий”-ТВ, “Өндөрхаан”-ТВ,” Green”-ТВ болон FM радио, сонин, сэтгүүлийнхэд мэдээллийг өгч, иргэдэд мэдээллийг хүргүүлээд байна.

Аймгийн Иргэдийн Төлөөлөгчдийн Хурлын  2016 оны ээлжит сонгуулийн тойргийн нутаг дэвсгэрийн хэмжээ, байршил, сонгогчийн болон өрхийн тоо зэргийг харгалзан нам эвслээс зарцуулах зардлын дээд хэмжээг 120.0 сая төгрөгөөр, нэр дэвшигчдийн зарцуулах зардлын дээд хэмжээг 7.0-29.0 сая төгрөгөөр  тогтоолоо.