Өмнөговь аймаг – Орон нутгийн сонгуулийн зардлын дээд хэмжээг тогтоолоо
08:39 03 сарын 29 өдөр 2016 он
Өмнөговь аймгийн аудитын газар Орон нутгийн хурлын сонгуульд нам эвслээс зарцуулах зардлын дээд хэмжээг тогтоолоо. Сонгуулийн тухай хуулийн 41 дүгээр зүйлийн 41.3 /Орон нутгийн хурлын сонгуулийн тухайд төрийн аудитын дээд байгууллагаас тогтоосон жишигт нийцүүлэн аймаг, нийслэл дэх төрийн аудитын салбар байгууллага нь тухайн аймаг, нийслэл, сум, дүүрэг дэх орон нутгийн хурлын сонгуулийн тойрогт нам, эвсэл, нэр дэвшигчээс зарцуулах зардлын дээд хэмжээг санал авах өдрөөс 90-ээс доошгүй хоногийн өмнө тогтооно./-д заасны дагуу нам, эвслээс зарцуулах зардлын дээд хэмжээг хуулийн хугацаанд нь тооцон аймгийн ИТХ-д хүргүүллээ.
